Sanarfinermut Avatangiisinullu Ingerlatsivik Kapisilinni nunaminertamik atugassinneqarnissamik qinnuteqaammik tigusaqarpoq. Ikaartarfik Kapisillit eqqaanukarniarnermi atorneqartartussatut eqqarsaataasoq sananiarlugu qinnutigineqarpoq.
Ikaartarfik tatsip kuuillu akornanni sananeqarniarpoq, tassa Nattoralinnguit Tasiata avannaani aamma Kapisillit eqqaanni Illorsuaasakasinni. Ikaartarfik 21 meterinik takissuseqassaaq 1,4 meterinillu silissuseqassalluni. Ikaartarfiup titartagartaa aamma sumiiffissaa ataani takuneqarsinnaavoq.
Qinnuteqaat pillugu oqaaseqaatissaqaruit akerliliissutissaqaruilluunniit Sanarfinermut Avatangiisinullu Ingerlatsivimmut nassiussinnaavatit, kingusinnerpaamik ulloq 10. september 2025.
Tusarniummut akissuteqaat ima nalunaaqutserneqassaaq BOG-2020-11112-294.
Akissut uunga nassiunneqassaaq:
Kommuneqarfik Sermersooq
Sanarfinermut Avatangiisinullu Ingerlatsivik
Sanaartornermut Nunaminertanullu Oqartussaqarfik
Postboks 1005, 3900 Nuuk
