Angallannerpaaffimmi sumiiffimmi tunuleriiaattarneq annikillisarniarlugu Eqalugalinnguani kaajallattariaq lyskrydsimik taarserlugu sulineq aallartileruttorpoq.
Kommuneqarfik Sermersooq Nukissiorfik Tusassilu suleqatigalugit qullililersukkamik ikaartarfimmik suliaqarpoq, taamaasilluni kaajallattariaq 1989-imeersoq piissallugu. Suliniuteqarnermi suliassaq siulleq tassaavoq angallannerpaaffimmi utaqqinerit tunuleriiaattarnerillu annikillisinnissaat.
Suliaq juuli 2025-mi aallartinneqassaaq naammassinissaalu aggusti 2026-mi naatsorsuutigineqarpoq.
Nuuk Entreprenøren qitiusumik suliarinnittuuvoq, Brøndumilu aamma FJ_EL ledninginik suliarinnittuussallutik.
Aqqusineq silinnerulissaaq, taamaasilluni sangusarissanut nutaanut inissaqassalluni aamma qeqqani qeqertaasaq peerneqassaaq. Taamatuttaaq imermut, innaallagissamut oqarasuaatinullu attaveqaasersuuteqarpoq, taakkualu tassunga atatillugu aamma pisarialimmik nuunneqassallutik.
Suliap ingerlanneqarnerani
Entreprenørip assaanerani qaartiterineranilu ikaartarfimmi angallanneq aqqutissiuukkumallugu betoninik aqquserngit sinaakkusersorneqassapput.
Bussit unittarfiata kaajallattarissap akianut, taxat uninngasarfiannut, nuunneqarnissaa pisariaqarmat bussit ingerlanneqarneri sunnerneqassapput. Tamanna isumaqarpoq, sumiiffimmiit illoqarfimmut ilaasussat tassani taamaallaat ikisinnaassasut taamaattumillu Kangillinnguit aqqusaaqqaartassavaat. Nuup Bussii’sa nittartagaat innersuussutigaarput, tassani aqqutit sorliit sunnerneqarnersut allassimavoq.
Tassunga atatillugu akornusersuineq ajuusaarutigaarput kisiannili innuttaasut paasinninnissaat neriuutigalugu. Kingullertut minnerunngitsumillu Kommuneqarfik Sermersuumit kajumissaarutigineqarpoq kikkut tamarmik mianersorlutik angallatissasut aamma angallattut allat minnerunngitsumillu sumiiffimmi meeqqat eqqarsaatigissagaat.
–
Lyskrydsimik nutaamik sanaartorneq pillugu apeqqutissaqartoqaruni uunga saaffiginnissinnaapput:
Sanarfinermut Avatangiisunullu Ingerlatsivik
Email: sai@sermersooq.gl
Oqarasuaat +299 36 74 00