Kommuneqarfik Sermersuumi atortut sullissinermi aamma journalinut allattuinissanut atugassat piffissami sivitsortumi akornuteqarput. Tamanna pissutigalugu kommunip sulisuisa innuttaasut pillugit suliat takusinnaanngilaat, sullissinermi atugassiat atorsinnaanagit imaluunniit journalinik nutaanik allassinnaanatik.
Atortut akornuteqarnerat kommunip sullissiviini assigiinngitsuni sullissinernut sunniuteqarpoq, saaffiginnissutillu suliariniarnerannut ajoraluartumik kinguarsaataassalluni.
Sullississutit Netcompanymit ingerlataapput, ajornartorsiullu suunersoq paasiniarlugu aamma aaqqinniarlugu assoroorput.
Kommunimi sulisut pissutsit taamaanneranni saaffiginnissutit nukinginnartut salliutippaat, atortorissaarutillu atornagit sullissisinnaanertik naapertorlugu sulianik ingerlatsipput.
Taama pisoqarnera innuttaasut sullinneqarnerannut suleqatigisanullu akornutaasinnaammat Kommuneqarfik Sermersuup ajuusaatigaa.