Matumuuna Sanarfinermut Avatangiisinullu Ingerlatsivimmit imertartarfitoqqamik Qoorngumiittumik piginnittoq ujartorneqarpoq.
Sanaartorneq pillugu Inatsisartut inatsisaanni § 10 malillugu, piginnittumit sanaartukkat, nunaminertat sanaartorfigineqarsimanngitsut sanaartukkamut atasut aammalu taamatullu ilusilerneqarsimasut naammaginartumik pitsaasuutinneqarlutillu pissusissamisoortumik pitsaassuseqartinneqarlutik aserfallatsaalineqassapput.
Taamaattumik imertartarfimmik piginnittut/piginnittoq ullumikkumiit kingusinnerpaamik sapaatip-akunneri arfineq-pingasut qaangiutsinnagit Sanarfinermut Avatangiisinut Ingerlatsivimmut saaffiginneqquneqarpoq/saaffiginneqquneqarput suliap qulaajarneqarnissaa taamalu imertartarfiup siunissami qanoq pineqarnissaa pillugu aalajangiisoqarniassammat.
Piffissaliussap iluani saaffiginnittoqanngippat ingerlatsivimmit suliap ingerlateqqinneqarnissaanut isummertoqassaaq.
Oqaaseqaatigineqartut kingusinnerpaamik 31. aggusti 2025 tiguneqareersimassapput:
Kommuneqarfik Sermersooq
Sanarfinermut Avatangiisinullu Ingerlatsivik
Postboks 1005
3900 Nuuk
sai@sermersooq.gl
