Nuummi innuttaasunngorlaajuit – aamma illoqarfik pillugu ilisimasaqarnerulerusuppit? Taava ilinnut pitsaasumik neqeroorutissaqarpugut!
Juunip ulluisa 21-anni Inuiattut Ullorsiornermut atatillugu Nuummi innuttaasut nutaat illoqarfimmi akeqanngitsumik angallassisulerluni bussinik angalaarnissamut qaaqquagut. Tassani Nuummi periarfissat, misigisassat neqeroorutillu amerlasuut pillugit tusarsinnaavatit – kulturimiit pinngortitamiillu sunngiffimmut ulluinnarnilu inuunermut tunngasut.
Angalaarneq Nuummi innuttaasunngorlaanut tamanut ammavoq – suminngaanneerneq apeqqutaatinnagu
Nuummut nooqqammeruit taava una angalaarneq illoqarfik pillugu ilisimasaqarnerulernissamut periarfissatsialaavoq. Nunatta ilaanniit imaluunniit nunaniit allaniit maanga nuussimagaluaruilluunniit tikilluaqqusaavutit.
Angalaarneq kalaallisut tuluttullu ingerlanneqassaaq, taamaasillutik kikkut tamarmik malinnaanissamut periarfissaqassapput. Aqqutaani angallassisup illoqarfimmi periarfissat takornagassallu amerlasuut oqaluttuarissavai – apeqquteqarnissamullu tikilluaqqusaavutit.
Bussinik angalaarneq kommunip allaffiata eqqaani aallartillunilu naammassissaaq.
Pisussamut tunngatillugu ilisimatitsissut:
- Ulloq: Arfininngorneq ulloq 21. juuni 2025
- Piffissaq: nal. 13.00
- Aallartinneq naammassinerlu: Nuummi kommunip allaffiata eqqaani
- Akia: Akeqanngilaq
- Oqaatsit: Kalaallisut tuluttullu
- Peqataanissamut nalunaarfissaq: masv@sermersooq.gl.
Ilaquttatit ilagisinnaavatit – illoqarfimmi innuttaasunngorlaat allat peqatigalugit nuannersumik misigisaqarit.
Nuummut tikilluaqqunissannut qilanaarpugut!