Sermersooq Cruise’mut ilitsersuummik Sermersooq Business aallarniisuuvoq – qarasaasiakkut ujarlerfissiaq nutaajusoq, Kalaallit Nunaanni umiarsuarnik takornariartitsisarnermik suliffissuaqarnermut alliartortumut tunngatinneqartoq. Nittartakkamik, nunani tamalaani takornarialerisut aammalu suliaqarlutik tikeraat allat saaffigineqarput, aammalu Tunumik- aamma Nunatta kujataata kitaanik immikkut ukkataqarluni tikitassaasinnaasunik, umiarsualiveqarnermik attaveqaasersuutinik sumiiffinnilu suleqatissanik tamakkiisumik nassaartorfissaalluni.
Aqqusaagassanik aamma aqqutissanik pilersaarusiornissamut aammalu najukkami pissutsinik aamma assartuinermut tunngasunik paasisimasaqalernissamut, quppernermik oqilisaatigineqarput. Takornariutinik umiarsuaatiliuneq, tuniniaasiuneq, pilersaarusiortartuuneq imaluunniit suleqataasuuneq apeqqutaatinnagu, Sermersooq Cruise’mut ilitsersuut, Kommuneqarfik Sermersuumi alutornarnerpaanut – aammali amerlasuutigut ilisimaneqannginnerusunut – tikitassaataanut toqqaannartumik appakaaffissiatut atuuppoq.
“Kalaallit Nunaanni umiarsuarnik takornariartaatinik suliaqarnissap piuminarsarnissaa aamma nassaartorfigiuminartuutinnissaa kissaatigaarput. Taamaattumik piviusumik pilersaarusiornermut paasissutissiinermik aammalu najukkami pissutsinik ilisimanninnermik ataatsimoortitsisumik sakkumik ineriartortitsisimavugut. Tamatumunnga peqatigitillugu – illoqarfiit pingaarnersaanniit Nuummiit Tunumi aqqusaagassat ungasinnersaannut nunap immikkoortuata tamap periarfissaritai erseqqissisinniagaraagut,” Sermersooq Business’imi Inuussutissarsiornermut Pisortaq Mads‑Daniel Skifte oqarpoq.
Sermersooq Cruise’mut Ilitsersuummi ilaatigut tulliuttut neqeroorutaapput:
- Nuummut, Paamiunut, Tasiilamut aamma Ittoqqortoormiinut annikitsualuttalersukkanik umiarsualinnut paasissutissat
- Aqqusaarnermut, assartuinernut aammalu najukkami ataqatigiissaarisunik pilersaarusiornermut sakkut aamma ilitsersuutit
- Nunap immikkoortuanut periarfissanut aamma suleqatissaasinnaasunut ilisarititsineq
- Akisussaassuseqartumik suleqatigiinnermut piujuartitsineq aamma malittarisassat pillugit immikkoortoq
- Sullissisartut aammalu soqutigisallit allat pinerullugit apeqqutit apeqqutigikulaarneqartut attavigisassanullu paasissutissat
Sermersooq Cruise’mut ilitsersuut siunissaq ungasinnerusoq eqqarsaatigalugu piujuartitsisumik takornariaqarneq nukittorsarniarlugu aammalu Kommuneqarfik Sermersuumi tamarmi Kalaallillu Nunaannik akimuisumik inuussutissarsiornermik ineriartortitsinermut sinaakkutinik pitsaanerusunik pilersitsinissamut, Sermersooq Business’ip periusissiaata ilagaa.
Uani atuarnerusinnaavutit: www.sermersooqcruise.com
Tusagassiuutinut attavik:
Mads‑Daniel Skifte
Erhvervschef / Inuussutissarsiornermut pisortaq
Sermersooq Business
E mail: mdsk@sermersooq.gl