Nunatsinni Inuiattut ullorsiorneq arfininngornermi juunip 21-ani pissaaq, Nuummi ullormi tassani oqalugiarnerit, nipilersornerit, puiseqqaanniuunneq qummoroortarnerillu ingerlanneqassapput. Paamiuni, Tasiilami Ittoqqortoormiinilu pilersaarutit kingusinnerusukkut saqqummiunneqarumaarput.
Ulloq pisarnertut ullaakkut arfineq-pingasunut ingerlaaqatigiinnermik aallarnerneqassaaq, Kommunip allaffeqarfianiit Nuup Saavanut ingerlaaqatigiittoqareerpat tikilluaqqusilluni oqalugiartoqassaaq erinarsoqatigiillu erinarsussallutik. Borgmesteri Avaaraq Olsen oqalugiarumaarpoq, pisarneq malillugu puiseqqaanniuttoqarumaarpoq – qamutilittarnermit aallartinneqartussamik. Ullup qeqqa sioqqullugu kalaallit nipilersugaannik tusarnaartitsisoqassaaq, tassani DJ Henrik appisimaarujuussalluni, kalaallisuunik takutitsisoqaatigaluni ammerisitsisoqarumaarpoq.
Ullorsiornerit ualimut ingerlaqqinnerani pisut Inussiviup eqqaani arsaattarfimmi ingerlanneqassapput, ilaqutaariinnut sammisaqartitsinerup nalaani Maalia aamma Nukannguaq nuannersunik appisimaassapput. Tassani aamma Erfalasorput ukiut 40-unngortorsiorneranut atatillugu assiliseqatigiittoqarumaarpoq.
Unnukkut pisussat Katersortarfimmi ingerlanneqassapput, René Brandt, INUK aamma INUA tusarnaartitsissallutik. Ullorlu qummoroortarnermik naammassineqarumaarpoq.
Paasisaqarnerorusukkuit aaqqissuussinermilu pisussanik paasissutissanik malinnaarusukkuit Kommuneqarfik Sermersuup nittartagaa alakkarteruk: https://sermersooq.gl/kl/inuiattut-ullorsiorneq-2025/