Kalaallit Nunaanni Inuiattut ullorsiornitsinni, arfininngornermi juunip 21-anni 2025-mi pisussat pillugit paasissutissat uani quppernermi nanisinnaavatit.
Inuiattut ullorsiornitsinnut atatillugu aaqqissuussat pillugit paasissutissat ataavartumik maani quppernermi avammut nalunaarutigineqartarumaarput.
Nuuk
ULLAAKKUT PISUSSAT – NUUP SAAVA
08.00: Kommuneqarfiup Allaffianiit ingerlaaqatigiinneq
Kommuneqarfiup Allaffianiit Nuup Saavanut peqatigiiffiillu ingerlaaqatigiinneq.
08.30: Tikilluaqqusineq
Nuup Saavani isiginnaartitsisarfimmiit saqqummiisoq tikilluaqqusissaaq.
08.35: Borgmesteri oqalugiassaaq
Borgmesteri Avaaraq Olsen oqalugiassaaq.
08.45: Erinarsoqatigiit NIPE & KALUTIT erinarsussapput
Erinarsoqatigiit NIPE & KALUTIT Nuup Saavani erinnanik pingasunik atuissapput.
08.55: Annaasisitta Oqaluffianut ingerlaaqatigiinneq
Peqatigiiffiit katinngatilerlutik siulliussapput, Annaassisitta Oqaluffianullu ingerlaaqatigiinnissami sivisusussaanngitsumi kikkut tamarmik malinnaarusuttut tikilluaqqusaapput.
09.00: Puiseqqaanniuunneq aallartinneqassaaq
Inuiattut Ullorsiornermi soorunami pisarnertut puiseqqaanniuttoqassaaq. Piniartut puiseqqaanniunnissaat aallartillugu Kommuneqarfik Sermersooq aamma Issittumi Sakkutooqarfik qamutilittassapput.
Qanoq nalunaarsinnaanerlutit uani paasisaqarnerugit: https://sermersooq.gl/kl/2025/06/05/inuiattut-ullorsiorneq-2025-nuummi-puiseqqaanniuunneq/
09.05: DJ Kalaallit nipilersukkanik appisimaassaaq
DJ Henrik Hansen Nuup Saavani kalaallisut nipilersukkanik appisimaassaaq.
09.10: KITTAT suliaminnik silami takutitsissapput ammerisitsillutillu
Kittat suliaminnik takutitsilerpata kalaallisuut kusanartut assigiinngitsullu takusinnaavatit. Taassuma saniatigut puisip amianik qapiarnermik misiliisoqarsinnaavoq.
12.00: Ullaap tungaani pilersaarut naammassissaaq
EFTERMIDDAGSPROGRAM – INUSSIVIUP ARSAATTARFIANI
14.00: Tamanut sammisaqartitsineq
Ilaquttatit ilagalugit sammisaqariartorit nipilersortunillu tusarnaarlutit.
14.45: Erfalasorput ukiuni 40-nngortorsiormat ataatsimut assiliseqatigiinneq
Erfalasutta ukiut 40-ni atuunneranut atatillugu persuarsioqataagit.
Ataatsimoorluni assiliseqatigiittoqassaaq.
15.00 – 16.00 Maalia og Nukannguaq
Aliikkutassat ingerlaneranni Maalia aamma Nukannguaq nuannersunik nipilersussapput.
Unnukkut pisussat – KATERSORTARFIK
19.00 – 19.35 René Brandt Solo
René Brandt nipilersortartuuvoq Nuummi najugalik, indie-popimillu nipilersoriaaseqarnini nalunnginneqaatigaa. Saqqummersitaa siulleq Ivé 2023-mi saqqummerpoq, nipilersoqatigiillu Titarnek pilersitseqataaffigalugit. Taassuma nipilersoriaasia nutaaliorpalaartuuvq kalaalerpaluttunillu ilaqartarluni, Kalaallit Nunaannilu nipilersornerup silarsuani tusaamasaalluni.
19.45: INUK
Nuummersut Inuk pop/rockimik nipilersoriaaseqarput, taallallu unneqqarissut erinnallu tusaqqoornartut ilisimaneqaatigaat. Saqqummersitartik siulleq 2008-mi saqqummersereeramikku arlalinnik saqqummersitsipput, tassa Aanngalerneq aamma Qalipaatit, taakkulu kuultinnassutigaat. Erinaataat eqqissisimasuullutillu rockiunerusinnaasarput, nunatsinnilu nipilersortartuni nuannarineqarnerpaanut ilaallutik.
21.00: INUA
INUA tassaapput kalaallit rockimik nipilersortartut, saqqummersitaat siulleq Inua 1987-imi saqqummerpoq, kingornalu Kalak 1990-imi saqqummersippaat. Nipilersoriaatsit rock, jazz aamma kalaalerpaluttut akuleriissittarpaat, kalaallisullu taalliortarlutik. Nipilersoqatigiit nunatsinni nipilersornikkut siuarsaaqataangaatsiarnikuupput.
22.00: Qummoroortarneq / Naggasiineq