DMI-p naatsorsuutigaa anorersuaq avannaq kangisimmik anorlissasoq, 25-30 m/s-inik sakkortutigisumik, anoraasuarsuartut sakkortutigisumik anoraasuarujussuarnertalimmik 33-40 m/s. Silassaq ataasinngornermi februaarip pingajuani nal. 10.00-imiit nal. 22.00-ip tungaanut atuuppoq.
Piareersaatissat
Ittoqqortoormiini innuttaasut piumaffigineqarput pigisat tingissinnaasut aalajangersornissaat, tassani sanaartornermut atortut, umiatsiat assigisaallu pineqarput kiisalu anorersuarnerani ajoqusertoqaratarsinnaanera pinaveersaartinniarlugu illumiiginnarnissaaq kaammattuutigineqarpoq.
Upalungaarsimasut attaveqarfigikkit
Innuttaasut anorersuup nalaani ikiortariallit kommunimi upalungaarsimasut attaveqarfigisinnaavaat normunut ukununnga sianerluni: 59 93 07