Tallimanngorneq ulloq 13. decembari Santa Lucia nalliussiniarlugu inuit 400-t Tasiilami timersortarfik ulikkaarpaat. Santa Luciartitsineq unnummi misigisat pingaarnersaraat, niviarsiaqqat 1. klassiniit 10. klassinut qaqortunik atisalerlutik naneruuserlutillu ileqqoq malillugu Santa Luciarmata. Santa Luciartitsineq ukiumi taartumi neriunnerup aamma qaamanerup ilisarnaatigaa aamma soqutigineqarluarpoq.
Santa Luciartitsinerup kingorna meeqqanut inersimasunullu qiortaalluni unammisoqarpoq. Nutaaliorsinnaaneq nerrivinni qiortaaffiusuni annertusivoq, kusanarnerullu akissarsiassartaqartinneqarput, tamannalu peqataasut akornanni nuannaarutigineqaqaaq.
Timersortarfimmi sulisunut, susassaqartitsinermut kulturimullu immikkoortortamut aamma illoqarfimmi ataqatigiinnermik katersortitsisut kajumissutsimik suliaqartut unnummik nuannersumik aaqqissuussinerannut qujanarujussuaq. Aappaagumut qilanaalereerpugut!
