DMI-p naatsorsuutigaa anorersuaq avannaq kangisimmik 25-28 m/s-inik sakkortutigisumik anorlernissaa, anoraasuarsuartut sakkortutigisumik anoraasuarujussuarnertalimmik 33-38 m/s-inik. Neqqajaaq pingasunngornermi decembarip aqqarngani nal. 05.00 aallartissangatinneqarpoq sisamanngornermilu decembarip aqqaneq-aappaanni nal. 01.00 sakkukillissangatinneqarluni.
Piareersaatissat
Kulusummi Tasiilamilu innuttaasut piumaffigineqarput pigisat tingissinnaasut aalajangersornissaat, tassani sanaartornermut atortut, umiatsiat assigisaallu pineqarput kiisalu anorersuarnerani ajoqusertoqaratarsinnaanera pinaveersaartinniarlugu illumiiginnarnissaaq kaammattuutigineqarpoq.
Upalungaarsimasut attaveqarfigikkit
Innuttaasut anorersuup nalaani ikiortariallit kommunimi upalungaarsimasut attaveqarfigisinnaavaat normunut ukununnga sianerluni: 113 aamma 36 77 89.