Ingerlatsivimmit qamuteralaatileqatigiit Qamutit qinnuteqaataa tiguaa, taakku Ukkusissat Kangilequtaata avannaata tungaani aqqutiliornissamik kissaateqarput. Aqqutip Nuummi innuttaasunut Nuup timaata tikikkuminarnerulernissaa aamma sammisassanut assigiinngitsunut siunertarivaa, taakkununnga qamuteralammik ingerlaarneq, pisunneq il.il. ilaapput. Pilersaarutaavoq ukiumi apummi illiniliortoqartarnissaa illiniliuutit atorlugit.
Qaarsumik 270-300 m2-imik qaartiterisoqarnissaa qinngutigineqarpoq. Qaartiterneqartussaq 6×30 -inik takissuseqassaaq, talerpiani 2 meterit missiliorlugit portutigisoq saamiatalu tungaani 1 meterip missaaniittoq.
Qaartiternerlukut aqqusiniliornermut aamma atorneqassapput. Oqaaseqaatit akerliliissutilluunniit uunga nassiunneqassapput: plan@sermersooq.gl.
Oqaaseqaatigineqartut kingusinnerpaamik 13. novembari 2024 tiguneqareersimassapput.
Kommuneqarfik Sermersooq
Illoqarfimmik Inerisaaneq
Kuussuaq 2
Postboks 1005
3900 Nuuk
