Septembarip ulluisa 25-anni utoqqarnut tunngasuni suliassaqarfimmi immikkoortut arlallit meeqqerivik Paarsisumit pulaarneqarput.
Angerlarsimaffimmi peqqissaasut allaffii, utoqqarnut tunngasunik tulleriissaarisartut, angerlarsimaffimmi ikiortinut biiliussisartut, angerlarsimaffimmi ikiortit allaffii aamma utoqqarnut tunngasuni suliassaqarfimmi immikkoortortanut aqutsisut meeqqerivik Paarsisumit pulaarneqarput.
Pulaarneq titartakkanik kusanartunik amerlasuunik tunniussiffiuvoq, pulaartuaqqat Nuummi utoqqarnut tunngasuni suliassaqarfimmut titartarsimasaat. Pingaartumik ambulancenik takuneq meeqqanit nuannarineqarluarpoq tassami Nuummi innuttaasuaqqanut qullii ikinneqarmata.
Utoqqarnut tunngasuni suliassaqarfiup pulaartut qutsavigai, kommunimi sulisut akornanni nuannaarnermik pilersitseqataalluinnartut. Nuummi innuttaasut mikinerusut immaqa siunissami utoqqarnut tunngasuni suliassaqarfimmi sulisunngussapput.
