Ataasinngornermi oktobarip arfineq-aappaanni Inuit innarluutillit sapaatip akunneqartinneqarnerat iluatsilluartumik ammaanersiornermik aallartinneqarpoq.
Inunnut innarluutilinnut Tarnimikkullu Nappaatilinnut Immikkoortortami atuisut najugallillu kiisalu innuttaasut Amisuni nal. 11.00 naapipput. Taakku katersortarfimmut ingerlaaqatigeereermata SPS Nuuk-meersut suleqatigalugit pissanganartunik sammisassaqartinneqarput, sammisassaqartitsinerillu peqataatitsinermik festerpalaartumillu misigititsillutik.
Ullormut pilersaarutit ilaatigut OCN-imik ilinniarsimanermut uppernarsaatinik tunniussinernik, kaffillernermik borgmesterillu oqalugiarneranik imaqarput, atuisut, najugallit ilaqutaasullu nalliuttorsiutigineqarlutik. Ullorsiornermi Nahome aamma Hans Jukku nipilersorlutik suli qiimmannarnerusumik appisimaarmata pisumi nuannannerulersitsipput.
Inuit innarluutillit sapaatip akunneranni pissangartunik aaqqissuussinerit inuiaqatitsinni assigiinngiiaassuseqarnermik peqataatitsisarnernillu annertuumik takussusiipput. Ullormit assilisat, matumani ullorsiornermi nuannerseruttorfiusut ataani takusinnaavatit.
Aningaasaliisut, Katuaq, Inuit Quality, Brugseni Nuummullu innuttaasunik timimikkut imaluunniit tarnikkut innarluutilinnik peqataatitseqataagassi assigiinngiiaassuseqarnermillu siuarsaaqataagassi qujanaq.
