Nuummi Qinngutsinni nunaminertat atorneqarsinnaasut sanaartorfiusinnaasut pillugit Kommuneqarfik Sermersuumiit maajip 22-anni 2024-mi saqqummiunneqarnikuupput. Qinnuteqartut makitsinermut ilaasinnaatitaasut akornanni makitsineq septembarip 9-anni pivoq, kingornalu nunaminertat 12-it inniminnerneqarlutik. Nunaminertat atorneqanngitsut 27-t maanna qinnutigineqarsinnaalerput.
https://experience.arcgis.com/experience/a1c94e42660542f5848ae95d656994d5
Nunaminertamik inniminniinissamut qinnuteqarusukkuit skiima (uaniittoq) immersussavat ukulu ilannguteqquneqarput:
- Sanaartornermi piffissalersuineq
- Qinnutigineqartup inatsisitigut piffissaliunneqartup iluani naammassisinnaaneranut aningaasaliisinnaassuseqarnermik uppernarsaat
Qinnuteqaatit ulloq eqqorlugu tiguneqartut tamarmik ataatsikkut tiguneqartutut isigineqassapput. Aalajangersimasumut qinnuteqaatinik ataatsikkut tigusaqarnermi nunaminertamik inniminniisimanngitsut imaluunniit nunaminertamilluunniit sanaartorfiusimanngitsumik atugassinneqarsimanngitsut salliutinneqassapput. Pissutsinili allani qinnuteqaatit ataatsikkut tiguneqarsimasut akornanni makitsisoqassaaq.