Kommuneqarfik Sermersuumi Sammisassaqartitsinermut Kulturimullu Immikkoortortaq timersoqatigiiffiit piumaffigai pissartanngorsimasut allattorsimaffiinik nassiussissasut, aammalu ukiumi nersornaaserneqartussanut piukkussaminnik innersuussissasut.
Ukiut tamaasa ileqqoq malillugu Kommunimit ingerlanneqartartoq timersortartut ullorititaat januaarip 6-iani ingerlanneqartartoq qanilleqqilerpoq. Tassunga atatillugu pisarnertut 2024-mi pissartanngorsimasut nersorneqassapput, taamaattumik timersoqatigiiffiit piumaffigerusuppagut: Nunatsinni, Danmarkimi, Nunani avannarlerni, Europami imaluunniit Nunarsuarmi pissartanngortitaqarsimagunik aqqi, timersoqatigiiffik ilaasortaaffigisaa, timersuut aallutaq, pissartanngorfigisimasaq imaluunniit paasissutissat pingaaruteqarsinnaasut. Taakkattorneqartut Sammisassaqartitsinermut Kulturimullu Immikoortortaqarfianut nassiutilaaqqullugit.
Tassungalu atatillugu inussiarnersumik piumaffigerusuppatsigit ukioq 2024-mut atatillugu malunnaateqarluarsimasunik timersoqatigiiffissi iluanni tunngavilersuuteqarluartunik innersuussuteqaqqullusi ukuninnga:
- Ukiup timersullammaa
- Ukiup sungiusaallammaa
- Aqutsisuullammak
- Iligiillammaat
- Piukkunnaatilik
- Kajumissaat
Siunnersuutit tamarmik tunngavilersorluagaassapput.
Qulaani taakkartorneqartut kingusinnerpaamik ulloq 18. Oktobari 2024 Sammisassaqartitsinermut Kulturimullu Immikkoortortaqarfimmut nassiunneqareersimassapput tunniunneqareersimassallutilluunniit.
Nassiussivissaq e-mailikkut: peqatigiiffiit@sermersooq.gl allakkatigullu nassiussiniaraanni uunga:
Kommuneqarfik Sermersooq
Sammisassaqartitsinermut Kulturimullu Immikkoortortaqarfik
Imaneq 23 B, Postbox 1005, 3900 Nuuk