Kommuneqarfik Sermersuumi 2023-mut naatsorsuutit Kommunalbestyrelsimit akuereqqammerneqarput, taakkulu kommunip aningaasaqarnikkut pitsaasumik tunngaveqarneranik erseqqissaapput.
2023-mi naatsorsuutit ataatsimut 241,2 mio. koruuninik sinneqartoorfiupput, tamannalu sinneqartoorutissat pillugit missingersuutaaqqaartunit 155,5 mio. koruuniusunit aamma sinneqartoorutissat iluarsisat pillugit missingersuutinit 162,4 mio. koruuninit qaffasinnerujussuuvoq. Taamatut pitsaasumik angusaqarneq akileraarutinit aamma akitsuutinit isertitaqarnerunermik pissuteqarpoq, taakku missingersuutinik 95 mio. koruuninik qaangiimmata.
“Aningaasaqarnikkut ukiumut angusat assorsuaq iluarisimaarpagut. Naatsorsuutit pillugit pitsaasumik suliaqarneq, kukkunersiuisortaatta BDO-p pingaarutilimmik peqataaffigisaat, massakkut naatsorsuutit sillimaffigineqartariaqaratik akuersissutigineqarlutik naammassineqarput,” naatsorsuuserinermut pisortaq, Pætur Jørðdal Niclasen, oqarpoq.
Kukkunersiuisut kukkunersiuinermit nalunaarusiami aamma allapput, Kommuneqarfik Sermersooq pitsaasumik aningaasanik aqutsisimasutut isigineqartoq.
Kommuneqarfik Sermersuup naatsorsuutai nittartakkami takuneqarsinnaapput, uani: sermersooq.gl/oekonomi-regnskab/