Pikkorissartitsinerup siunertaraa aalisartuunermi piniartuunermilu allagartaqalernermi pikkorissaqataasup paasisaqarnermik, ilisimasaqarnermik pikkorissarneqarnissaa:
Pikkorissarnerup imai:
- Inuttut eqqiluisaarnissaq
- Eqqiluisaarneq & Eqqiaaneq
- Tappiorannartunik nalinginnaasunik sammisaqarneq
- Inuussutissalerinermi inatsisit
- Inuussutissalerinermi upalungaarsimaneq
- Nammineq misissuisinnaaneq
Pikkorissarnerup sivisussusaa:
Ullut marluk (Nalunaaquttap akunnerini 16-it pikkorissartitsitsisoqassaaq.)
Oqaatsit pikkorissarnermi atorneqartussat:
Pikkorissartitsineq Kalaallisut ingerlanneqarumaarpoq.
Pikkorissarnermi peqataaneq akeqanngilaq.
Pikkorissarnerup piffissalerneqarnera. Aamma sumiiffissaa:
Pikkorissartitsinissamut peqataaniarlutik nalunaarsorneqartut amerlappata aappassaanik pikkorissaasoqassaaq. Pikkorissartitsiermi peqataaniarlutik nalunaartut ikinneruppata ataasiarluni pikkorissaasoqassaaq:
- Pikkorissartitsineq 1: 25. – 26. oktober 2024
- Pikkorissartitsineq 2: 27. – 28. oktober 2024
Pikkorissartitsineq Paamiut-ni Imarsiornermik Ilinniarfimmi ingerlanneqassaaq.
Pikkorissarnermi peqataanissamut nalunaarfissaq ulloq kingulleq 30. septembari 2024.
Pikkorissartitsinermut peqataanissannut nalunaaruteqarnerit ima immersussavat:
- Ateq
- Inuuiit
- Najugaqarfik
- E-mailit
- Sooq pikkorissartitsinissamut peqataarusunnerlutit naatsunnguamik oqaasertaleruk
Pikkorissartitsinissamut peqataanissannut nalunaaruteqarnerit E-mailikkut uunga nassiutissavat: inpi@sermersooq.gl
Pikkorissartitsinissamut aamma apeqqutissaqaruit uunga sianersinnaavutit Trine Mogensen +299 367375, nal. 9.00 – 16.00.
Angalaneq aamma unnuinermi akiliutissaq:
Pikkorissarnermi peqataasussat Paamiut-ni najugaqanngitsut angalanissaminnut unnuiffissaannullu akiliunneqarumaarput.
Immikkut tunniunneqartussaq:
Pikkorissartitsinermi peqataanermi ajunngitsorsiassaqassaaq, taakkulu ullormut 718 kr.
Pikkorissarnissamut peqataasinnaajunnaarnermi nalunaarneq:
Pikkorissarnissamut peqataasinnaajunnaarnermi pingaaruteqarpoq piaartumik tamanna nalunaarutigineqarnissaa taamaalilluni aningaasartuutit sapinngisamik annikinnerussammata kiisalu allat pikkorissarneq soqutigissappassuk periarfisikkusullugit.