Juulimi Ammassalik Katersugaasivianeersut Belgiamiipput, inuusuttut arfinillit aqutsisullu marluk Nunarput sinnerlugu Erasmus+ Exchange-programimut ilagitillugu kulturikkut paarlaasseqatigiinnissamik aaqqissuussamut annertuumut peqataapput.
Kalaallit Nunaanniit peqataasut saniatigut nunat sisamat peqataatitaqarput: aaqqissuussisuusoq Belgien, Georgien, Guadeloupe aamma Estland. Kulturikkut paarlaasseqatigiinnermi Belgiamiut isiginnaartitsinermut tunngasumik festivalersitsisarnermi nuannarineqartoq qulequtaavoq TAZ2024, peqataasullu namminneq eqqumiitsuliaminnik ilusilersuineq isumagisussaavaat.
Inuusuttut taakku aamma festivalertitsinermi nammineq kajumissutsiminnik suliaqartuniit takutitassiaasumut takutitsinissani minnerumaani qitinnermik takutitsinissamut sungiusartussaapput. Piffissap ingerlanerani eqqumiitsuliornermi suliaasut takutitassiami ilaatinneqarput, taamaalilluni katiterilluni eqqumiitsuliamik inerneqarluni. Eqqumiitsulioriaatsit assigiinngitsut pineqarput tassanilu inuusuttut kulturikkut tunuliaqutertik takutinnissaannut assissaqanngitsumik periarfissaqalerlutik. Ataatsimut isigalugu sapaatip akunnera eqqumiitsuliornermik kulturimillu imaqarluarpoq, pitsaasumillu imminut avatangiiserisanullu tunngasunik paasisaqarfiulluarluni.
Kalaallit peqataasut tassaapput Thorvald Olsen Magnussen, Eino Taunajik, Lars Korneliussen, Ingrid Ignatiussen, Ajaattoq Tiia Bianco aamma Gerth Kuko. Hans-Henrik Suersaq Poulsen aamma Jonna Nielsen aqutsisuupput.
