Nuummi Najukkami Ataatsimiititaq Kommuneqarfik Sermersooq suleqatigalugu Aasarpalaaq aallartinnissaanut piareerput, aasaanerani festivali nuannersoq Aqqaluup Aneerasaartarfiani aggustip 24-anni pissaaq. Nalunaaqutaq 11.00-imiit 23.30-p tungaanut pinnguarnerit, oqaluttuaqattaarnerit, nipilersornermik aliikkusersuinerit sammisassarpassuillu ilaqutariinnit sammineqarsinnaajumaarput. Aaqqissuussaq akeqanngilaq aalakoornartumillu tuniniaaffiussanani.
Aasarpalaaq Festivalip pilersaarutaa tamatigoortuuvoq, ukioqatigiiaat tamarmik peqataaffigisinnaasaat. Festivali pilersinneqarpoq innuttaasut ataatsimoorlutik nuannisaqatigiinnissaannut.
”Nammineq kajumissuseq atorlugu ikiuuttussanik pilersitsilersaarpugut, utoqqaat issiavinnik kaassuartakkanik atortut festivalimut nuannisarlutik kaffisorujuutaa peqataasinnaaniassammata. Meeqqanut inuusuttuaqqanullu umiatsimik angalaarnissamut kiisalu Inuk Siegstad peqatigalugu cykelskolertoqarnissaannut aaqqiassuussilluta. Festivali tamanit peqataaffigineqarsinnaavoq aallakorfiusussaananilu,” Frederik Elsner, aaqqissuussinermut akisussaasoq oqarpoq.
Aaqqissuussarpassuit saniatigut nipilersorluni aliikkusersuisoqartussaavoq. Pilersaarut takuuk:
| Piffissaq | SCENE | PISOQARTITSIVIK |
| 11:00 – 12.00 | TUNINIAAVIIT AMMASSAPPUT 11.00 – 13.00 | |
| 12.00 – 14:00 | KUKA FLEISHER 12.00 – 12.15 | MAKITSINEQ 12.00 QAJARTORNEQ 14.00 – 16.00 INUIT & DENNE GAMES 12.00 – 16.00 |
| 14.00 – 15.00 | ANDACHAN | CYKELSKOLE 14.00 -16.00 KIINNAMIK QALIPAANEQ 14.00 – 16.00 |
| 15:15 – 16.00 | AALIFAK | MAKITSINEQ 15.15 |
| 16:00 – 17:00 | KUKA FLEISHER 16.00 – 16.15 SCENE AMMASOQ | |
| 17:00-18:00 | INUK | MEEQQANUT INUUSUTTUAQQANULLU AALISARIARTITSINEQ 17.00 – 19.00 (OBS: nalunaarsimasunut) MAKITSINEQ 17.00 |
| 18:00 – 19:00 | KUKA FLEISHER 18.00 – 18.15 | |
| 19:00-20:00 | PAUSE | SPEJDERIT INUUSUTTUAQQAT PEQATIGALUGIT AALISAKKANIK GRILLERISSAPPUT 19.00 – 20.00 TUPERMI ERSINARTULERSAANNEQ |
| 20:00-21:00 | ANDACHAN | MAKITSINEQ 20.00 |
| 21.00 – 22:00 | NANERUAQ | TUNINIAAVIIT MATUSSAPPUT |
| 22:00 – 23:00 | PIITSUKKUT | |
| 23:30 -24.00 | ULLORMUT QUJANAQ | ULLORMUT QUJANAQ |
Utoqqaat issiavinnik kaassuartakkanik atortullik ikiornissaannut pilerusukkuit taava uunga nalunaarsinnaavutit: kultur@sermersooq.gl
”Neriutigaarput innuttaasorpassuarnit ujartorneqartartoq kikkut tamanit peqataaffigineqarluni nuannisarfiujumaartoq. Aqqaluup Aneerasaartarfiani aggustip 24-anni takunissat qilanaaraarput,” Frederik Elsner naggasiivoq.