Tunngaviit pingasut

Eqqarsartaatsikkut peqqissuunermut tunngatillugu Kommuneqarfik Sermersuumi periutsit nalinginnaasumik atorneqartartut saniatigut, aamma atorneqartarpoq najoqqutassaq 3P – Tunngaviit pingasut.

Tunngaviit pingasut sunaava?
Tunngaviit pingasut tassaavoq inuup eqqarsartaasia qanoq atuuttarnersoq pillugu paasinninnissamut atugassiaq, taamatullu paasinnittaaseqarnermi qanoq aqqutissiuussisoqarsinnaanersoq. Upperisamut periaatsimullu tunngasuunngilaq, kisiannili inuup ataatsip eqqarsartaatsimigut eqqissitinnissaanut ukkataqarnissamut tunngasuuvoq, nakkutilliinermik iperaanissamut pinngortitaassutsimullu tunniussinissamut tunngasuuvoq.

Kommunip sulinermi Tunngaviit pingasut qanoq atorpai?
Kommuneqarfik Sermersuup meeqqerivinni Tunngaviit pingasut atulernissaanut sungiusaalluni aallartereerpoq, taakkunani sulisut tamarmik, perorsaasuniit asaasunut igaffimmiunullu peqataanissaminnut periarfissinneqarlutik. Tamatuminnga paasisimannittoq Hollandimeersoq suleqatigineqarpoq, taavalu peqataasut 100-t pallikkaangata nalunaarusiortoqartarpoq.

Tamanna pillugu annertunerusumik sumi atuarsinnaavunga?
Tunngaviit pingasut paasisaqarluarfigerusukkukkit, atuagaq ima taaguutilik atuarsinnaavat ”Livet opleves indefra og ud. De 3 principper – Alt hvad du behøver at vide for at forandre dit liv”, atuakkiortuulluni Michael Neill.

Taakkua saniatigut atuagaq ”Dit Selvhelbredende Sind” atuakkiortua Mette Louise Holland, kalaallisuunngortinnikuuvoq.