Aasaannaqaaq, taamaattumillu sunngiffeqarnissamut piffissaqarnerulissallutit. Taavami sulerissavit? Kommuneqarfik Sermersooq tamanut assigiinngitsorpassuarnik aaqqissuussisussaavoq. Allaaserisami uani illit erinarsornermik, pattagissamik klaverimik nipilerinermillu soqutigisalik pineqarpoq.
Nipimik, erinnanik nipilersornermillu soqutigisaqaruit, taava aasaanerani atuanngiffiup nalaani, kommunip aaqqissuussineri atorluarusukkukkit, susassaaleqinavianngilatit. Pattagissamik klaverimik nipilersorneq ilinniarsinnaavat, Jensia Højgaard Dam ilinniartitsisoralugu.
Taava aamma mikrofonilerinermi, nipilerinermi, immiussinermi, mixerinermi masteringimilu teknikkimut tunngasunik ilinniarsinnaavutit Jenseeraq Olsen nipilerinermik ilinniartitsisoralugu
Aaqqissuussinissat assigiinngitsut qaqugu sumilu ingerlanneqassanersut ataani takusinnaavatit. Peqataaniaraanni linki una atorlugu nalunaartoqarsinnaavoq, sammisassallu ataasiakkaat pillugit annertunerusumik paasisaqarsinnaallutit. Soorunami aaqqissuussinernut arlalinnut peqataajumallutit nalunaarsinnaavutit.
Pattannermik klaverimik ilinniarneq
Ulloq: Sap. ak. 28-29-30 peqataanissamut nalunaartitsineq pereerpat ulluliisoqassaaq.
Sumi: Nipilersornermik Ilinniarfik
Nipilereriaaseq
Ulloq: 13.-17. juuli
Sumi: Nipilersornermik Ilinniarfik