Innuttaasunut

2020-mi Ilinniartitsisutsialak Pisortatsialammillu nersorneqarput

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kommuneqarfik Sermersuumi ukioq manna Ilinniartitsisutsialattut Margrethe Karlsen Brummerstedt toqqarneqarpoq, Ingrid Nathanielsenilu Atuarfimmi Pisortatsialattut toqqarneqarluni, toqqaanermi Meeqqanut Atuarfeqarnermullu Ataatsimiititaliaq toqqaasuuvoq.

Ullumi nal. Ullup qeqqata qeqqanut kikkut Ilinniartitsisutsialattut kiisalu Atuarfimmi Pisortatsialattut toqqarneqarsimanersut avammut nalunaarutigineqarput.

Ukiorpassuarni ilinniartitsisuullunilu alloriarnermilu aqutsisuusoq, Margrethe Karlsen Brummerstedt, ilinniartitsisuuffimmini Ukaliusami nersorniarneqarpoq. Meeqqanut Atuarfeqarnermullu Ataatsimiititaliami siulittaasoq Michael Rosing diplomimik tuniussisuuvoq.

”Margrethe Karlsen Brummerstedt ilinniartitsisuuvoq pisussaassutsimik ilaginnaajumanngitsoq, namminersullaqqissuuvoq, ikinngutinnersuullunilu ikiukkumatuujuvoq kiisalu aaqqissuussanut suleqataalluartarluni. Ilinniartitsisutut naammassigamili USK-mi sulilerami suli sulivoq,” atuarfimmi aqutsisut  Margrethe Karlsen Brummerstedt Ilinniartitsisutsialattut innersuunneranut ilaatigut taama tunngavilersuivoq.

Fagini tamani atuartitsisarpoq

Qeqertarsuatsiaani Atuarfinni aqutsisoq, Ingrid Nathanielsen, Qeqertarsuatsiaani nersorniarneqarpoq, tassani Nunaqarfimmi Aqutsisuni siulittaasoq Ingvar Motzfeldt diplomimik tunniussisuulluni.


Ingrid Nathanielsen

Meeqqanut Atuarfeqarnermullu Ataatsimiititaliap Ingrid Nathanielseni pisortatsialanngornissaanut tunngavilersuutaat ilaatigut ima oqaasertalerneqarput,

”Qeqertarsuatsiaani ukioq atuarfiusoq tamaat atuarfigineqarsinnaaniassammat immikkuullarillarilluinnartumik iliuseqarnermigut ukioq manna Ingrid Nathanielsen Kommuneqarfik Sermersuumi Atuarfimmi Pisortatsialanngorneranut peqqutaavoq. Qeqertarsuatsiaani ilinniartitsisuusimasoq maangaannaq aallarnerata kingorna Ingrid kisimiingajalluinnarluni Qeqertarsuatsiaani atuartitsineq ingerlassimavaa. Atuarfimmi pisortatut sulinermi saniatigut atuartut 1. klassemiit 7. klassemut atuartut tamarmik ataatsimoortillugit fagini tamani atuartitsisariaqartarsimavoq.”