Innuttaasunut

Politikerit pisuinnaat sikkilertartullu illersorniarpaat

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

2021-mut missingersuummi sikkilertut pisuinnaallu aqqusinerni angallannerannut tamakkiisumik pilersaarummut 1 mio. koruunit atugassatut illuartinneqarput.

Kommuneqarfik Sermersuumi pisuinnaat sikkilertullu atugaasa pitsanngorsarneqarnissaat kissaatigineqarmat sikkilertut pisuinnaallu aqqusinermi angallannerannut tamakkiisumik pilersaarut 2020-p naannginnerani politikikkut aalajangiiffigineqarnissaanut saqqummiunneqassaaq.

Pisuinnaat sikkilertullu ukioq kaajallallugu angallassinnaanissaat, taamatullu kommunimi aqqusineeqqat aputaajarneqartarneri salliunneqartassasoq, ilaatigut pilersaarummi qulakkeerneqassaaq.

”Pilersaarut pisullutik sikkilerlutilluunniit suliartornissamut atuariartornissamulluunniit pisariaqartitsisunut kiisalu amerlanerit pisunnissamut sikkilernissamulluunniit kajumissaarutigalugu tapersiinertut isigineqassaaq. Inuit peqqissusaannut GIF-illu Kalaallit Nunaat 2030-mi nunarsuarmi timimik aalatitsinerpaanissaanut anguniagaanut pitsaasuussaaq” Suleqatigiissitsisut gruppimi siulittaasuat Michael Rosing oqarpoq.