Nunarsuarmioqatitta nerisassiaat ussikkit qitsigilluunniit

Multi-Kulti 2019 ullumi aallartippoq - suut sammisassaritinneqarnersut takuuk.

Ullumi nalunaaqutaq 13.00 Nunatta Atuagaateqarfiani nunat kulturillu allat pillugit filmilianik isiginnaarsinnaavutit, Nuummiluunniit Eqqumiitsulianik Saqqummersitsivimmi Kalaallit Nunaata imartaani umiarsuit angalasarsimasut pillugit saqqummersitaq Umiarsuit alakkarsinnaavat.

Ualinerani Homit Illuanni saqqummersitaq Erfalasoq ammaanersiorneqalerpat peqataasinnaavutit. Nalunaaqutaq 19.00 Illorput aamma ornissinnaavat, tassani linedancemik kalattullu qittattoqassammat. Illorput aamma nunarsuup assiganik puisip amianik sanatitsisimavoq. Suminngaanneernerlutit nunarsuup assigani nalunaaqusersinnaavat suliallu qanoq ateqarsinnaaneranut siunnersuusiorlutit.

Maannakkumiit Brgusenimi nerisassiat Ugandameersut Perumeersullu misilikkiartorsinnaavait.

Festivalimi pilersaarut tamaat uani takusinnaavat: Multi-Kulti