Kommunimit Qinngutsinni kommunimut pilersaarummi 4D10-mi paassaasivimmi containerit inissinneqarsimasut pillugit tamanut ilisimatitsinissaq kissaatigineqarpoq.
Containerinik piginnittut ulloq 10-04-2024 ilanngullugu containerinut taakkununnga piffissami killiligaasumi nunaminertamik atugassinneqarsimanertik uppernarsassallugu piffissalerneqarput.
Paasissutissat una aqqutigalugu takuneqarsinnaapput: sermersooq.gl-imi ujartorlugu Umiatsianik, biilinik nummerpladitaqanngitsunik, containerinik assigisaanillu inuttassarsiuussineq immaqaluunniit link-imi uani: https://sermersooq.gl/kl/biilinik-containerinik-angallatinillu-inuttaqanngitsunik-inuttassarsiuussineq/
Mobil assiliivianik una tikkuaruk, sermersuup nittartaganut isersutigalugu
Pingaaruteqarpoq oqaatigissallugu piffissaliussaq nallertinnagu piffissami killiligaasumi nunaminertamik atugassinneqarsimanermut, uppernarsaannginnerup kingunerissavaa piginnittup akiligaanik akisussaaffigisaanillu containerimik nuussineq.
Taamaattumik piumasaqaatinik naammassinnissimaneq qulakkeerniarlugu containerinik taakkuninnga piginnittut kajumissaarneqarput Sanarfinermut Avatangiisinillu Ingerlatsivimmut saaffiginneqqullugit Kuussuaq 2, 3900 Nuuk imaluunniit oqarasuaatikkut attaveqaqqullugit uunga 36 76 42 imaluunniit e-mailikkut uunga sai@sermersooq.gl.
Attuumassuteqartut tamaasa annertunerusumik iliuuseqarnissaq pinngitsoorniarlugu piffissaliussap aalajangiunneqartup nallinnginnerani iliuuseqaqqullugit kajumissaarpagut.
Immikkoortoq Qinngutsinni pineqartoq nunap assingani ilanngussami takuneqarsinnaavoq.
