Ittoqqortoormiini meeqqat atuarfianni Ejner Mikkelsenila Alivarpiani soraarummeerluni misilitsinnerit periarfissaaleqqissapput.
Ejner Mikkelsenila Alivarpiani soraarummeerluni misilitsinnerit pisortatigoortumik atuutilerseqqinneqarmata Ittoqqortoormiit atuarfianni ulloq 8. decembari 2023 pingaarutilittut malunnartinneqarpoq. Taamatut alloriartoqarnissaa sivisuumik utaqqineqarsimavoq, pingaartumik atuartut kitaanut ilaannilu Tasiilamut aallarlutik soraarummeerluni eksaminernissartik pillugu aallartariaqartarsimatillugit.
”2012-imili misilitsittarnerit unitsinneqarmata ilungersunartorpassuaqarsimavoq. Angajoqqaat meeqqatik ilinniarnissaq pillugu aallartittariaqartarsimavaat, tamannalu illoqarfimmi innuttaasunut inuusuttunullumi sunniuteqartaqaaq. Atuarfiup pisortaa Jonathan Petersen kommunalbestyrelsimit politikkikkut tapersersorneqarluni 2020-mi suliniutinik aallartitaqarpoq ilaatigut atuartut illoqarfitsik qimannagu misilitsittalernissaat anguniarlugu,”
Meeqqanut Atuarfeqarnermullu Ingerlatsivimmi fagchefi Riikki Grønvold taama oqarpoq.
2008-mi inunngortut atuartut sisamaasut misilitsillugit suliniuteqarfiginerisigut matumani siullermik alloriartoqarpoq. Atuarfimmut pingaarutilimmik ineriartornermik takutitsiinnanngilaq, aammali Ittoqqortoormiini innuttaasunut taamatut takutitsivoq ukiumimi atuarfiusumi pingaarutilimmi inuusuttut angerlarsimaffigisartik ungasinnagu soraarummeersinnaaleramik.
Ullormi pisumit assimi Melissa Larsen ilinniagalittut ilinniartitsisunngorlaaq misilitsinnissanik tulluusimaarluni ammaasoq aamma Leif Simonsen misilitsinnermini A-mik karakteerinnatsilluni erfalasumik amusisoq takuneqarsinnaapput. Misilitsissutaa Ittoqqortoormiini piniartutut atukkanut tunngasuuvoq, tamassumalu takutiinnarpaa sumiiffimmut tunngasut atuarfimmiit pingaartinneqassusaanik.
Ejner Mikkelsenila Alivarpiani soraarummeerutaasumik misilitsittarnerit atuutilerseqqinneqarneri Ittoqqortoormiini ilinniagaqalernissamut periarfissanut alloriaataapput pingaarutillit. Najukkami atuarfiup naammassinissaanut pisoq pingaarutilittut takussutissiivoq ilaatigut atuartut meeqqat atuarfiannik naammassinninnissaminnut ungasissorsuarmut aallartariaarutissammata najukkaminnili tamanna naammassisinnaanngorlugu. Suliniuteqarnermi illoqarfimmi ilinniagartuutut ataqatigiissuunissamullu pitsanngorsaataassasoq naatsorsuutigineqarsinnaavoq.
