Kommuneqarfik Sermersuumi Upalungaarsimasut, DMI piterartoqarnissaanik aarlerisaarimmat, innuttaasut tamarmik silarlutsillugu malittarisassanik malinninnissaannik kaammattuipput. Aarlerisaarut ulloq 20. decembari 2023 nal. 13.00-imiit nal. 06.00-imut atuutissaaq. Anori avannamik kippasik 15 – 20 m/s-nik sukkassuseqartussatut ilimagineqarpoq taavalu 32 m/s-nik sukkassusilimmik anoraasuasarnissaa ilimagineqarluni.
Anorersuup sulereernerup kingorna takkunnissaa ilimagineqarmat, pisortat allaffeqarfii meeqqeriviillu ammaannassapput. Angajoqqaalli meeqqamik isumannaannissaat qulakkeerniarlugu aalliaarnissaannik kaammattorneqarput.
Upalungaarsimasut nalunaarutigaat qulleq aarlerisaarut oqaluffiup eqqaaniittoq suli ajoquteqartoq, sunarpiaq ajoqutigineraa paasiniarneqaleruttorpoq.
Ajoqusertoqarnissaa annikinnerpaaffissamiitinniarlugu, innuttaasut avatangiisiminni qanitani atortunik teqqaasinnaasunik isumannaarsuinissaannik kaammattorneqarput. Illup iluaniinnissaq, kiisalu anorersualinnginnerani ikinngutinut ilaquttanulluunniit oqquiartornissaq isumassarsiatsialaasinnaapput.
Anorersuarnerani upalungaarsimasut oqarasuaatikkut saaffigineqarsinnaapput 36 77 89.