Pisortanit ikiorsiissutinik pisartagaqarpit imaluunniit suliffissarsiortutut nalunaarsimavit? Taava innuttaasut ataatsimiitinneqarnissaannut aggerit tassanilu inatsit nutaaq januaarip aallaqqaataa 2024-mi atuutilersussaq pillugu paasisaqarlutit.
Innuttaasunik ataatsimiititsinermi suliffissarsiornermi ikiorsiissutit pillugit inatsit nutaaq
aamma pisortanit ikiorsiissutit pinngitsoorani naliliiffigineqarnissaat pillugu paasisaqassaatit, kiisalu qanoq ilinnut sunniuteqassanersoq suullu illit nutaatut pisussaaffigilissaneritit.
Pisortat ikiorsiissutaannik taakkuninnga pisartagallit tamarmik sakkortuumik kaammattorneqarput peqataaqqullugit, inatsit nutaaq ilinnut allannguutinik amerlasuunik nassataqarmat.
Innuttaasunik ataatsimiititsinermi aamma suliffeqanngitsutut nalunaarsortissinnaavutit.
Aamma Majoriaq Nuuk oqa. 36 80 70 sianerfigisinnaavat, paasiniarlugulu inatsisip taassuma qanoq ilinnut sunniuteqarnissaa pillugu.
Innuttaasunik ataatsimiititsineq
Ulloq: Decembarip 14-anni 2023, nal. 11.00 – 14.00
Sumi: Nuummi Katersortarfimmi