DMI sivisuumik Piterarnissaa pillugu aarlerisaarivoq, naatsorsuutigineqarporlu ulloq 21. novembari 2023 nal. 06.00-imit ulloq 22. novembari nal. 18.00-ip tungaanut Tasiilaq nunaqarfiilu anorersuassasut. Anorersuaq anorip sukkassusia sekundimut 25-28 m-iussangatinneqarluni anoraasuarneratalu 38 m-i angumasassallugu, aarlerisaarinerlu sivitsorneqarsinnaavoq.
Tamatuma kinguneranik Kommuneqarfik Sermersooq aalajangerpoq isumannaallisaatitut Tasiilami nunaqarfiinilu meeqqat atuarfii aamma ulluunerani paaqqinnittarfiit taamatullu pisortat allaffeqarfii matoqqatinneqassasut.
Upalungaarsimasuni pisortap Jes Damgaard Andersenip anorersuup piareersimaffiginissaata pingaaruteqarnera erseqqissaatigaa. Innuttaasut anorersualinnginnerani toqqissisimanartumiissasut soorlu ilaquttani, ikinngutini eqqaamiorisaniluunniit, anorersuarneratalu sivisusinnaanera aarlerinarmat nerisassanik naammattunik qulakkeerinnissasut siunnersorpai.
Anorersuarnerata nalaani paasissutissanik amerlanerusunik pissarsiniarnermi ikiortariaqarnermilu Tasiilami upalungaarsimasut uunga +299 367789-mut attaveqarfigineqarsinnaapput.