Ullumi ulloq 3. november 2023 borgmesterit tamarmik Aningaasaqarnermut Akileraartarnermullu Naalakkersuisoq, Erik Jensen peqatigalugu ataatsimoortumik tapiissutinut isumaqatigiissut atsiorpaat.
2022-mi ataatsimoortumik tapiissutit pillugit isumaqatiginninniarnerit 2023-mi ataatsimoortumik tapiissutit pillugit isumaqatiginninniarnernut eqaannerusumik oqaloqatigiinnissamut paaseqatigiinnissamullu aqqutissiuisuupput.
Tamarmik isumaqatigiissuutigaat isumaqatiginninnerit siunissaq eqqarsaatigalugu peqqissaartumik ingerlanneqassasut, taamaasillutik kommunalbestyrelsit missingersuutinik suliaqarnissaannut aamma missingersuusiorlutik suleqatigiinnissaanut piareersimalluartunik ersarissunillu takusassaqarniassammata.
2024-mi kommuninut ataatsimoortumik tapiissutit 1.767.977.000 kr.-nik annertussuseqarput. Tamatuma nassatarissavaa
- Akit akissarsianillu 3,47 %-imik iluarsineqarneri
- Ineqarnermut tapiissutit iluarsineqarneri
- inissiisarnernut qitiusumik aningaasat immikkoortitat iluarsineqarneri
- akileraarutinik allannguinermik atuutilersitsineq
- siusinaartumik pensionisiallit pilersuisussaaqatigiinnerat atorunnaarsinneqarpoq
- meeqqat tapii
Maannamut isumaqatigiissutigineqareernikuuvoq 2024-mut ataatsimoortumik tapiissutit pillugit isumaqatiginninniarnerit ukuninnga imaqassasut
- missingersuusioriaatsimik nutaamik atuutilersitsineq
- kontonut takussutisianut tunngatillugu suleriaatsinik assigiissunik qinersineq aamma ataqatigiissaarineq
- tamakkiisumik aningaasaqarneq pillugu naatsorsueqqinneq
- pisortani aningaasaqarnikkut aqutsineq
- KommuneKredit-imut taarsigassarsianik qinnuteqarnissaq periarfissaavoq
- sanaartorfigissaaneq
- immikkoortunut pilersaarutit
- illuliortiternernut aningaasalersuineq
- aamma akileraartarnermik aaqqissuusseqqinneq
Borgmesterit isumaqatigiissutaasut naammagisimaarpaat ukiullu tulliani isumaqatiginninniarnissaminnut qilanaarlutik.
Inussiarnersumik Inuulluaqqusilluta
