DMI anorersuarnissaanik Tasiilami Kulusumilu aarlerisaaruteqarpoq. Anoraa avannaq kangisimmiissaaq 25 – 28 m/s sukkassuseqarluni anorersuarujussuartut sakkortussuseqarluni, ilaatigut 33 – 38 m/s
sakkortussuseqarsinnaalluni. Aarlerisaarut marlunngornermi oktobarip ulluisa 17-ianni nal. 02.00-miit pingasunngornermi oktobarip ulluisa 18-iannut nal. 14.00 tungaanut atuutissaaq.
Tamatuma kinguneranik Kommuneqarfik Sermersooq aalajangerpoq isumannaallisaatitut Tasiilami aamma Kulusumi meeqqat atuarfii aamma ulluunerani paaqqinnittarfiit taamatullu pisortat allaffeqarfii matoqqatinneqassasut. Kommuneqarfik Sermersooq malinnaassaaq, ulluni arlalinni anorersuarnissaa naatsorsuutigineqarmat.
Upalungaarsimanermik suliallit innuttaasunut tamanut kaammattuutigaat suulluunniit tingissinnaasut qanittuminniittut qajannaaqqullugit ajoqusiisoqarnissaa minnerpaaffissaaniitinniarlugu. Innuttaasut, anorersuarnerata nalaani ikinngutiminniikkusuttut ilaquttaminniikkusuttulluunniit kaammattorneqarput anorersualinnginnerani taakkununngakaaqqullugit.
Anorersuartut sakkortutigisumik anoraasuasarnissaa pissutigalugu pingaartumik ernumassutigineqarpoq, atortut oqimaatsut anorimit qaffaanneqarsinnaaneri. Taamaattumik kikkulluunniit piffissami taaneqartut isersimaannarnissaannik kaammattuuteqartoqarpoq.
Innuttaasut anorersuarnerata nalaani upalungaarsimasunut attaveqarsinnaapput uunga sianerlutik 36 77 89.