Ulloq 2. novembari GUX NUUMMI ukiumoortumik Ilinniakkanik nittarsaassineq ingerlanneqassaaq, tassani illoqarfiut innuttaasui inuusuttut siunissami ilinniarfigisinnaasatik suliffissatullu periarfissat pillugit paasisaqarnerunissamut periarfissaqassapput.
Ilinniarfigisassanik toqqagassarpassuaqarpoq, sunalu ilinnut tulluunnerunersoq nalornissutigigukku Ilinniarfiusinnaasunut ulloritinneqartumut Ilinniakkanik nittarsaanertut ilisimaneqartutut peqataanissaq isumassarsiatsialaavoq. Majoriamit ilinniarfissatut neqeroorutit namminersortut aammattaaq pisortat suliffeqarfii assigiinngitsut katersorneqarput, taakkualu illit siunissami suliffissat pillugu paasissutissiinissaminnut aamma apeqqutissaqaruit akinissaminnut piareersimassapput. Assigiinngitsorpassuarnik toqqagassaqarluni ilinniarnissamut suliffissamillu toqqaanissaq ajornarsinnaavoq. Sulinerup iluani siunissat nalornissutigigukku Ilinniakkanik nittarsaassineq ilinnut neqeroorutaavoq.
Imai
Ilinniarfissat suliffeqarfiillu assigiinngitsut pillugit paasissutissat pisariaqartut pisortatigoortullu saniatigut ilinniagaqarfiit, sulisartuuneq, kollegiet/ineqarnermullu tunngasut tamaasa paasisaqarfiginissaanut periarfissaqassaaq. Suut eqqumaffiginissai nalornissutigivigit imaluunniit apeqqutit eqqarsaatigisimanngisatit akineqarnissai pisariaqartippigit? Tigusiffigilaagaq aajuna:
Ilinniarfik sumi inissisimava?
- Ilinniagaq qanoq sivisutigiva?
- Suut piumasaqaataappat?
- Atuagarsornerup sulinerullu imarisai qanoq ippat?
- Ilinniarnerup ingerlanerani nunami allamiinnissaq periarfissaava?
- Suliffeqarneq nalinginnaasumik qanoq ippa?
- Inuussutissarsiutinut assingusunut allami sulilernissamut periarfissaqarpa?
- Suliffiusinnaasut suuppat? Aallarteqqaarnermi akissarsiat aamma akissarsiat ikannerpaaffissai.
Apeqquterpassuit taakku soorunami Ilinniartitaanermi ullorititaasumi akineqarumaarput.
Pilersaarut
- 09:00-13:15 Ullaap tungaani Nuummi Ilinniarnertuunngorniarfimmi ilinniartunut ilinniakkanik nittarsaassisoqassaaq.
- 14:00-15:30 Ualikkut Nuummi 9. aamma 10. klassit peqataanissaminnut qaaqquneqassapput, ilinniarfiit suliffeqarfiillu peqataasut misigisaqarfigalugit taamaasillutik siunissami suut ilinniarfiit suliffiusinnaasullu tamakkiisumik takusinnaalerniassagamikkit.
- 16:30-18:30 Ualinerusukkut GUX NUUK Nuummi innuttaasunut tamanut Ilinniakkanik nittarsaassineq ammarneqassaaq.