Sapaatip akunnerini 40-mi aamma 41-mi Kalaallit Nunaanni Qatserinermik Ilinniarfik aamma Kommuneqarfik Sermersuumi Upalungaarsimasut Beredskabsstyrelsens Center for Uddannelse suleqatigalugu upalungaarsimasunut ilitsersuisartunut pujortorujussuarmik nipitoorujussuarmillu pikkorissartitsissapput.
Pikkorissartut Kalaallit Nunaanni tamaneersuupput, pikkorissarneq ilitsersuisunut ataasiakkaanut piginnaanngorsaataassapput taamaasilluni ikuallattoqartillugu pujorsiornermut tunngatillugu qatserisartooreersunik attassiinnarneq aamma qatserisartunik nutaanik ilinniartitsinermi periuutsit nutaajunerpaat suliffimmilu avatangiisinik maleruagassat malillugit ingerlanneqartarniassammata.
”Sakkortorpasissinnaagaluartoq ilaatigullu pujortorujussuusinnaagaluartoq nipitullunilu eqqissisimaannartoqarsinnaavoq. Aqunneqarpoq. Soorunami innuttaasut eqqarsaatiginiarsarissavagut, sungiusarnermillu akornusersorneqartussanut utoqqatsereerusuppugut,” Kommuneqarfik Sermersuumi upalungaarsimasuni pisortaq Jes Damgaard Andersen oqarpoq.
Ilinniartitsineq INI-p inissiaataani Kongevejimi aamma Upalungaarsimasut ikuallattoornissamut sungiusartarfiani Nuukullammi ullukkut 08-miit 17-imut ingerlanneqassaaq.