DMI marlunngornermi 10. oktobari 2023 nal. 06.00-imiit nal. 21.00-ip tungaanut Ittoqqortoormiini anorersuarnissaanik ilimasaaruteqarpoq. Avannaq 25 – 30 m/s-nik sukkassuseqartussatut ilimagineqarpoq taavalu anorersuarujussuartut 33 – 38 m/s-nik sukkassuseqarnissaa ilimagineqarluni.
Tamatuma kingunerisaanik Kommuneqarfik Sermersooq innuttaasut isumannaatsuunissaat qulakkeerniarlugu arlalinnik iliuuseqartitsivoq. Ukiaanerani atuanngiffeqarneq pissutigalugu Atuarfik matuneqareermat, taanna annertunerusumik kalluarneqassanngilaq. Kisianni meeqqeriviit aamma innuttaasunik kiffartuussivik matoqqassapput, aamma anorersualinnginnerani angerlarsimaffimmi ikiorteqarfimmi sulisut, innuttaasunut tamanut angerlarsimaffimmi ikiorneqartartunut takkunniarput.
Ittoqqortoormiini upalungaarsimanermik suliallit innuttaasunut tamanut kaammattuutigaat suulluunniit tingissinnaasut qanittuminniittut qularnaaqqullugit ajoqusiisoqarnissaa minnerpaaffissaaniitinniarlugu. Innuttaasut, anorersuarnerata nalaani ikinngutiminni ilaquttaminnilu najuukkusuttut, kaammattorneqarput anorersualinnginnerani ornigutereeqqullugit.
Anorersuartut sakkortutigisumik anoraasuasarnissaa pissutigalugu pingaartumik ernumassutigineqarpoq, atortut oqimaatsut anorimit qaffaanneqarsinnaaneri. Taamaattumik kikkulluunniit piffissami taaneqartut isersimaannarnissaannik kaammattuuteqartoqarpoq.
Innuttaasut anorersuarnerata nalaani upalungaarsimasunut attaveqarsinnaapput uunga sianerlutik 599307.