Inuusuttut pikkorissut Nuummi Naluttartut Klubbi-aneersut nunarsuarmi nalunnermik ingerlatalinnut akuupput. Tamanna qujanartumik amerlanerusunik tapiiffigineqarnikkut pisinnaalersimavoq, klubbip meeqqat amerlanerusut nalunnermik timersuummut peqataanissaannik suliniuteqarneratigut pitsaanerulersinneqarmat.
Klubbip iluasaarluni tapersersuineratigut aamma kingullertigut angalanerit marluk, Islandimut aamma Sjællandip avannaanut, aqqutigalugit meeqqat naluttartut silarsuaannik misigisaqarnissamut periarfissinneqarput. Tapiissutit amerlanerusut aqqutigalugit klubbi inuusuttut naluttartut akornanni aamma misilittagaqarnerusut akornanni attaveqaatiliorsinnaasimavoq, tamannalu siunissami naluttartussat maligassiuisinnaanerannut tunngaviliivoq. Allaat qaammatip naanerani klubbimi naluttartut inuusuttut pingasut Torshavniliassapput naapeqatigiinnermut peqataajartorlutik. Tamanna tapiissutit amerlineqarnerisa iluaqutaanerinut takussutissaavoq, inuusuttut pikkorissut periarfissaannut ammaassineruvoq minnerunngitsumillu nalunnermik nuannarisaqarluarnerat pillugu.
Kommuneqarfik Sermersuumi naluttartut klubbiata iluatsitsilluarnera nuannaarutigineqarpoq. ”Kalaallit Nunaanni nunarsuarmi 2030-mi aalanerpaajunissamik anguniagaqarpugut. Anguniagaq taanna aatsaat anguneqarsinnaavoq timersorneq pitsaanerulersinneqarpat aamma sumiiffikkuutaartumik timersornikkut. Taamaattumik nuannaarutigivara kommunip tungaaniit tapiissutit tunniunneqartut allanngueqataammata illoqarfimmi naluttartut inuusuttut iliuuseqarfigineqarsinnaanngorlugit,”Frederik Lundblad, Kommuneqarfik Sermersuumi Sunngiffimmut immikkoortumi Fagchef oqarpoq.
Tapiissutit amerlineri Nuummi Naluttartut Klubbianni inuusuttunut naluttartunut pitsaanerusumik atugassaqartitsilerput, klubbillu siunissami naluttarnerup ilusilersornissaa qilanaarivaa, meeqqat amerlanerusut naluttartutut takorluugaqartut periarfissinneqartussaammata.
Foto: Lars Demant-Poort
