Upalungaarsimasut ullumi nal. 15.00-inngortoq nalunaarfigineqarput, Nukissiorfiit kiassaateqarfiani Nuussuarmi Akikip eqqaaniittumi annertuumik solaarimik uuliakoortoqarsimasoq. Solaari 5 kubikmeterinik annertussusilik ajutoornikkut kuuttoorutigineqarsimavoq.
Solaari kussinikkut siaruaassimavoq, Sangoriaq sinerlugu. Upalungaarsimasut sukkasuumik qisuariarneratigut kusserngit matoorneqarput, solaarilu maannakkut milluarneqaleruttorluni.
“Naak uuliakoorfiup nalaa solaarisunnissinnaagaluartoq aamma aqquserngit qalipaateqartitersinnaagaluartut, pisoq peqqissutsimut ulorianartorsiortitsinngilaq”, Kommuneqarfik Sermersuumi upalungaarsimanermut pisortaq Jes Damgaard Andersen oqarpoq.