Oktobarip ulluisa 23-aniit novembarip ulluisa pingajuannut eqqakkat angisuut illit najugaqarfippit eqqaaniit aaneqartarnissaat periarfissaaqqilissaaq. Aaqqissuussineq TAAMAALLAAT innuttaasut kommunip eqqagassalerinermut aaqqissuussaanut nalunaarsimasunut atuuppoq.
Malugiuk:
- Sapaatip-akunnerata naanerani aallertoqartassanngilaq.
- Aaqqissuussineq TAAMAALLAAT innuttaasut kommunip eqqagassalerinermut aaqqissuussaanut nalunaarsimasunut atuuppoq. (Innuttaasut inissiaateqatigiiffiit aqqutigalugit inimik attartortut allanik periarfissaqarput – inissiaatileqatigiiffik paasissutissanik sukumiinerusunik paasisaqarfiginerujumallugu attavigiuk.)
Inuussutissarsiortunit eqqakkat sanaartornermiluunniit eqqakkat eqqakkanut angisuunut ilaatinneqanngillat. Kommune eqqakkanik angisuunik najugaqarfippit eqqaanut aallertinniarukku taava Eqqagassalerivimmut saaffiginnissinnaavutit oqarasuaammut uunga: 36 74 11 imaluunniit e-mailikkut: affald@sermersooq.gl, tassa aaneqarnissaannut ullut marluk sioqqutsilluni attavigineqassapput. Eqqagassalerivimmut attaveqajaarnikkut aallertoqarnissaanut ulloq kissaatigisat eqquutsikkuminarnerussaaq.
Eqqagassanik angisuunik aallertussat piffissami nal. 17:00-20:30 aallertassapput.
Peqatigiilluni najugaqatigiiffinni najugaqartunut eqqagassanik angisuunik aallernissamut ataqatigiissaarinissaq kajumissaarutigineqarpoq.
Attavigigutsigut ukua paasissutissiissutigissavatit:
- Ateq
- Najugaq
- Mobil nr. aamma e-mail
- Sunik tunniussiniarpit – aamma qanoq annertutigisunik
Eqqagassat ullormi aaneqarfissaanni aatsaat aqquserngup sinaanut ilineqassapput. Igitat angisuut tikikkuminartumut inissinneqassapput aamma avataaniittunut akornutaanngitsumut. Igitat angisuut najukkamit sorlermeersuuneri ersarissumik takuneqarsinnaassaaq.
Igitat angisuut aaneqartussat, igitassanut ilaasussaanngitsunut nigortillugit, inissinneqassapput (assersuutigalugu sikkilit, aneerussiviit allallu.)
Eqqagassat isumannaatsumik poortorneqarsimassapput – ilinnut sulisutsinnullu isumannaallisaaneq eqqarsaatigalugu.
Illit najugaqatigiiffiit peqatigiiffippilluunniit (nammineq pigalugu/piginneqatigiinnermi) kommunip aaqqissuussineranut ilaasut najukkassi eqqaani eqqakkanik qimaannakkanik katersiniarnermik aaqqissuussiniarussi, ulluni taaneqartuni inniminnersinnaavatsigut, eqqakkat katersorneqarsimasut biilinik aaneqarniassammata.
EQQAAMAJUK
Eqqagassanik angisuunik aallertut biilianut eqqagassat nammineq issoraatissavatit.
Eqqagassat isumannaatsumik poortorneqarsimassapput – ilinnut sulisutsinnullu isumannaallisaaneq eqqarsaatigalugu.