Kommuneqarfik Sermersuumi nunaminertanut oqartussaaffeqarfik maannakkorpiaq qarasaasiatigut ajornartorsiuteqarpoq, tamatumalu kingunerisaanik suliat maannakkut ingerlanneqartut arlallit maangaannarsimallutik. Aalajangersimasumik oqaatigineqarsinnaanngilaq suliat sumorpiaq tunngasut tamatuminnga eqqorneqarsimanersut. Tamanna isumaqarpoq, suliat arlaqartut maannakkorpiaq suliarineqarsinnaanngimmata.
Innuttaasut, sulianik nunaminertanut tunngasunik ingerlataqartut aammalu kinguaattoornermik misigisaqartut, Nunaminertanut oqartussaaffimmut saaffiginneqqullugit kaammattorneqarput. Nunaminertanut oqartussaaffik ikiuunniarpoq, suliaq ilinnut tunngassuteqartoq eqqorneqarsimanersoq paasiniassallugu. Ugguuna attaveqartoqarsinnaavoq e-mail sai@sermersooq.gl imaluunniit uunga sianerluni 36 74 00.
Kommuneqarfik Sermersuumit matumani teknikkikkut ajutoortoqarneratigut persaqusersuisoqarnera ajuusaarutigineqarpoq. Taamatut pisoqarnera sapinngisamik piaartumik iluarsiiffiginiarlugu siunnerfeqarluta sulivugut, innuttaasullu naammagittarsinnaanerat piffissamilu ajornartoorfiusumi suleqataanerat qujamasuutigaarput.