NemKonto-mik atuilernissat isumagiuk, taamaaliunngikkuit sapaatip akunnerpassuini aningaasarsiassatit utaqqisariaqassavatit.
Tallimanngorpat qaammammusiat siullermeerlutik NemKonto atorlugu tunniunneqassapput, kisianni sapaatip akunnerata siulianili Kommuneqarfik Sermersooq misileeqqaarpoq, ullut 14-ikkaarlugit akissarsiassalinnut tigusisussanut siullermeerluni tunniussinermini nassaarinialeramigit. Tassuuna paasinarsivoq, sulisut 150-it NemKonto-mik pisariaqartinneqartumik atuinngitsut, taamaattumillu aningaasarsinngitsoortut.
”Inatsit naapertorlugu taamaallaat NemKonto atorlugu tunniussisussaavugut. Taamaattumik kommunimit aningaasarsisartut tamaasa kaammattorusuppagut NemKonto, taamaanngippat assinganik pisoqassaaq,” Sulisoqarnermut akissarsialerinermullu chefi Hansine Korneliussen oqarpoq. Sivikinnerpaamik ullut tallimat utaqqilluni aningaasarsiassat kommunip kontuanut utertinneqartarput sulisunullu pineqartunut nuussinnaalerlutik. Kisianni inuit NemKonto-mik atuisuunngitsut aningaasarsiassaannik nammineq nuussinissamik sulineq suliaqarnartuusoq paasinarsivoq. Taamaattumik ullut 14-it tikillugit utaqqisoqartariaqartarpoq inuit aningaasarsiassaminnik tigusinissaasa tungaannut, tallimanngorpat aningaasarsinngitsoortoqassagaluarpat. Tamanna pinngitsoortinniarlugu banki maannakkorluinnaq attavigissavat.