Ullormi kommunalbestyrelsip ataatsimiinnerani kommunalbestyrelsimi ilaasortat marluk taarserneqarput.
Kommunalbestyrelsimi ilaasortaasimasut, Inga-Dora G. Markussen (Siumut) aammalu Mia Skifte Lynge (Inuit Ataqatigiit) kommunalbestyrelsimi ataatsimiinnissaq sioqqullugu kommunalbestyrelsimit ilaasortaajunnaarnissamik qinnuteqarsimapput.
Qinnuteqaatit kommunalbestyrelsimit akuersissutigineqarput, taamaasillutik ilaasortanngortussat nutaat marluk ivertinneqartussanngorlutik. Inga-Dora G. Markussenimut taarsiivoq Doris J. Jensen (Siumut), Mia Skifte Lyngemullu taarsiivoq Storm Ludvigsen (attaviitsoq).
Taarsiinermut atatillugu aamma ataatsimiititani bestyrelsinilu assigiinngitsuni nikittoqarpoq.
Mia Skifte Lyngep tunuarnerani:
- Meeqqanut Atuarfeqarnermullu Ataatsimiititami Ilaasortaq nutaaq: Charlotte Ludvigsen
- Meeqqanut Ilaqutariinnullu Ataatsimiititami ilaasortaq nutaaq: Inge Olsvig Brandt
- Sanarfinermut Avatangiisinullu Ataatsimiititami Lone Rosengreen Pedersenimut sinniisoq nutaaq: Juaaka Lyberth
- Suliffeqarnermut Isumaginninnermullu Ataatsimiititami Lone Rosengreen Pedersenimut sinniisoq nutaaq: Uju Petersen
- Utoqqaat Illuanni siulersuisunut ilaasortaq nutaaq: Juaaka Lyberth
- Ippiarsummi siulersuisunut sinniisoq nutaaq: Naya P. Lyberth
- Angalanermut aningaasaateqarfimmi Inge Olsvig Brandtimut sinniisoq nutaaq: Lone R. Pedersen
Inga-Dora G. Markussen tunuarnerani:
- Aningaasaqarnermut Inuussutissarsiornermullu Ataatsimiititami ilaasortaq nutaaq: Doris J. Jensen
- Sanarfinermut Avatangiisinullu Ataatsimiititami Peter Davidsenimut sinniisoq nutaaq: Doris J. Jensen
- Nuummi Inuussutissarsiornermut Siunnersuisoqatigiinnut najuuttussaq nutaaq: Peter Davidsen