Borgmesteri Avaaraq Olsen kommunip allaffiani tallimanngormat aggustip 25-anni 2023 qaaqqusivoq, Lars Lennert Abelsen taekowondomi nunarsuarmi pissartanngorniuunnermi angusarissaarluarsimanera nalliuttorsiutiginiarlugu.
Lars Lennert Abelsen Taekwon-Domi nunarsuarmi pissartanngorniuunnermi Kasakhstanimi ingerlanneqartumi peqataareerluni Nuummut angerlarluni tikeqqammerpoq. Qernertumik qitequtilinni (4. Dan) tulimi unamminermi takutitsilluareerluni bronzinnappoq.
Borgmesteri ilasseqatigiinnermi Lars Lennert Abelsen takutitsilluarneranik angusaqarluarneranillu pilluaqquniarlugu oqalugiarpoq.
Ilasseqatigiinnermi peqataasut ilaat tassaapput Kalaallit Nunaanni Taekwon-Dortartut, timersortartut peqatigiiffii kattuffiilu, kommunalbestyrelsimi ilaasortat, naalakkersuisoqarfiit susassaqartut aningaasaliisullu, kiisalu Lars Lennert Abelsenip ilaqutai ikinngutaalu.
