Kommuneqarfik Sermersummi inuit innarluutilinnut allangueqataarusuppit? Isumaginninnermut Suliffeqarnermullu Ingerlatsivik Inunnut innarluutilinnut illersuisussarsiorpoq.
Illersuisutut makku suliassaraatit:
• Innarluutilinnut Immikkoortortami pisussaatitaaffinnik inuk innarluutilik aqqutissiuullugu.
• Pisortaqarfinni oqaloqateqarnermi inuk innarluutilik illersorlugu.
• Sullissinerup ingerlanerani inuup innarluutillip pisussaatitaaffi qularnaarsarlugit.
• Naammagittaalliorsinnaatitaanermut periarfissamik inuk innarluutilik siunnersorlugu.
Tunngavilersuutit:
Inuit innarluutillit tapersersorneqarnissaannut Inatsisartut inatsisaat nr. 13, 12. juni 2019-imeersoq.
§ 24. Illersuisoqarnermik aaqqissuussineq kommunalbestyrelsimit pilersinneqassaaq siunertaralugu inuup innarluutillip illersuisumit tapersersorneqarnissaa
Illersuisumut akissarsiat akunneq siulleq 613 koruunit, kingornalu akunnermut 429 koruunit. Ataatsimiinnerit kisimik akissarsissutigineqassapput.
Pineqaatissinneqarsimannginnermut aammalu meeqqanik innarliisimannginnermut uppernarsaatit inatsisitigut piumasarineqarput.
Soqutiginnikkaluarlutit peqataanissannut qularpit? Oqartussaaffeqarfik immikkoortumi aqutsisoq, Kirsten Johnsen, kajn@sermersooq.gl -ikkut oqarasuaatikkuluunniit 368083-kkut attavigiuk.
Qinnuteqaat ima allassimasoq Illersuisoq, ilinniarsimanermut, siusinnerusukkullu suliffigisimasanik paasissutissanik allanillu imalik uunga nassiunneqassaaq si@sermersooq.gl.
Qinnuteqarnissamut killigititaq tassaavoq ulloq 15. aggusti 2023.