Sapaatit akunnerini kingullerni kommunemi innuttaasut atuarfissap ullukkullu paaqqinnittarfissap atissaanik siunnersuutinik tunniussuipput. Siunnersuuterpaaluuppullu. Atuarfissap atissaanut siunnersuutit 228-t ullukkut paaqqinnittarfissallu atissaanut siunnersuutit 194-t nassiunneqarsimapput. Maanna periarfissaqalerputit atuarfissap ullukkut paaqqinnittarfissallu atissaanik siunnersuutigineqarsimasut akornanni quliusuni qinersinissannut.
Atuarfittaassami ullukkut paaqqinnittarfittaassamillu sanaartorneq sukkasuumik ingerlavoq, aammattaaq taamaappoq atinik tulluartunik nassaarniarnermik suliniarneq. Tassani kommune aalajangerpoq innuttaasut tusaaniarniarlugit. Ilimagisamiit siunnersuutinik amerlanerujussuarnik nassiussisoqarsimavoq.
Atsiussinissamut ataatsimiititaliap siunnersuutit misissuataareerpaa, tassanilu atuarfiup ullukkut paaqqinnittarfiullu atissaanik siunnersuutinik qulinik taasilluni. Maanna ilissi periarfissaqarpusi siunnersuutit qulit taakku akornanni arlaat qinernissaanut. Ataani toortagaq toorlugu ateq nuannarinerpaasat qinersinnaavat. Maluginiagassaq: Taasiniaruit atuisutut isertaatitaartariaqarputit peqariinngikkuit. Qinersineq juulip qulinganut killeqarpoq. Atit taaneqarnerpaat sisamat Meeqqat pillugit Atuarfeqarnermullu ataatsimiititaliamut ingerlateqqinneqassapput, taakku atissaanik aalajangiiumaarmata.
Atit qinigassat ukuupput:
Atuarfik:
- Anniitap atuarfia
- Atuarfik Imaneq
- Atuarfik Inussuk
- Atuarfik Narsarsuaq
- Atuarfik Nattoralik
- Atuarfik Nuuk
- Atuarfik Pingajoqqat
- Atuarfik Qupannaaq
- Jonathan Motzfeldt Atuarfia
- Sermersuup atuarfia
Ullukkut paaqqinnittarfik:
- Aqisseq
- Arnarulunnguaq
- Niviarsiaq
- Naasunnguaq
- Naasut
- Palleq
- Tullerunnaq
- Tupaarnaq
- Uummataasat