Innuttaasutut ataavartumik digitalikkut allagarsisarfiit paasiniartarnissaa piumasaqaataavoq. Akulikitsumik allagarsiassat e-boksikkut nassiunneqartartut atuartanngikkaanni annertuumik kinguneqarsinnaavoq – Tassunga ilanngullugit meeqqerivimmut akiligassat akilerneqanngitsut.
Innuttaasup kommunillu akornanni attaveqaqatigiittarneq annertusiartortumik digitalikkut ingerlanneqartarpoq, digitalikkullu aaqqiissutit oqartussaasut innuttaasullu akornanni attaveqaqatigiittarnermut pisariillisaaqataasimapput. Tamatumunngali ataavartumik e-boksip misissortarnissaa eqqaamaneqartariaqarpoq. Naggataatigummi e-Boksip misissortannginnera annertuumik kinguneqarsinnaavoq. Meeqqerivinnut akiligassat akilerneqanngippata kingunerisaanik meeraq anisutut nalunaarutigineqarsinnaavoq.
E-boksip misissornissaa puigortaraanni, mobilimi app-ikkut allagarsisarnermut nalunaarut atuutilersinneqarsinnaavoq, taamaalilluni e-Boksimi nutaamik allagarsigaanni nalunaarfigineqartalerluni. App-imi nalunaarfigineqartarnissat atulersikkusukkukku iserfigissavat, taava tuussavat ilisarnaaqqut ”profil”, taava nalunaarutit “notifikationer” tuussavat, taassani sorliit atulersinniarnerlugit toqqassavatit – tassunga ilanngullugit sms, e-mail imaluunniit mobilikkut nalunaarutit.
Eqqaamajuk e-Boksit misissortarnissaa