Maajip ulluisa 23-anni 2023-mi Nuummi atuarfinni arfiniliusuni 7.klassit sullisitik ativaat, Saligaatsoq 2023 ingerlanneqarnissaanut ”kissassiillutik” ikiutaallutik Nuummi eqqakkanik katersuimmata.
Illoqarfiup atuarfiini arfiniliusuni atuartut 7.klassit eqqakkanik katersineq immikkoortiterinerillu sammillugit ulloq naallugu aaqqissuussamut peqataapput. Klassit immikkoortortanut assigiinngitsunut saliiffissanut suliakkerneqarsimapput, taamaattumillu illoqarfimmi sumiiffinni assigiinngitsuni salisooqarluni.
Ulloq Kangillinnguit Atuarfianni naammassineqarpoq, atuartut tassani ullormi katersukkatik ataatsimut uuttortarpaat – eqqakkat katersukkat ernerneraat: 750 kiilut missaat. Atuaqatigiillu saleeqataasut tamarmik akissarsitinneqarput, akissarsissutigisaallu ataatsimuualaarnermut imaluunniit atuartitsinermi atugassanngorlugit akissarsissutigaat.
Ullormi saliinermi Brugsenimit Qalut Vóninimiillu tapiiffigineqarpoq, saliisitsinerlu Nuummi Najukkami Ataatsimiititaliamit, CSR Greenland Kommuneqarfik Sermersuullu Avatangiiseqarnermut immikkoortaanik suleqateqarlutik aaqqissuuppaat.
Aamma illit saliinermut peqataarusuppit? www.csr.gl iserfigalugu Nuuk Saligaatsoq 2023-mut juunip arfineq-pingajuanni ingerlanneqartussamut nalunaarit. Illoqarfinni allani saliinissat najukkami pissutsit malillugit ullulersorneqarumaarput.
Saligaatsoq pillugu
Saligaatsup suliffeqarfiit, kattuffiit innuttaasullu ataasiakkaat periarfissippai pinngortitaq avatangiiserpullu eqqiluitsuutinnissaanik suliniuteqarnermut peqataasinnaanissaannut. Suliniut aallarteqqaarpoq suliffeqarfiit suliitinneqartarnerannit, tassani najukkami suliffeqarfiit ataatsimoorussaminnik saleqatigiittarsimapput, eqqakkat pinngortitamiittut illoqarfimmiittullu katersorneqartarsimallutik.
Saligaatsoq pillugu paasisaqarnerorusukkuit CSR Greenlandip nittartagaani www.csr.gl -imi atuarnerusinnaavutit.
