Kommuneqarfik Sermersooq illoqarfiit pingaarnersaanni sap. ak. 21-mi aamma 22-mi ulluinnaat tamaasa eqqakkanik angisuunik aallertassaaq. Malugiuk, tamanna ulloq 29. maaji pissanngimmat ulloq taannna pinsip ulluisa aapparissammassuk. Eqqagassalerivik oqarasuaat 36 74 11 mailimulluunniit affald@sermersooq.gl, najukkannut eqqagassanik angisuunik aasassaqarpat attavigiuk.
Aqqissuussineq TAAMAALLAAT innuttaasut kommunip eqqagassalerinermut aaqqissuussaanut nalunaarsimasunut atuummat .
Innuttaasut inissiaateqatigiiffiit aqqutigalugit inimik attartortut allanik periarfissaqarput – inissiaatileqatigiiffik paasissutissanik sukumiinerusunik paasisaqarfiginerujumallugu attavigiguk.
Inuussutissarsiortunit eqqakkat sanaartornermiluunniit eqqakkat eqqakkanut angisuunut ilaatinneqanngillat. Kommune eqqakkanik angisuunik najugaqarfippit eqqaani aallersinniarukku taava Eqqagassalerivimmut saaffiginnissinnaavutit oqarasuaammut uunga: + 36 74 11 imaluunniit e-mail: affald@sermersooq.gl kingusinnerpaamik aallerfissaq ullunik marlunnik sioqqullugu. Eqqagassalerivimmut attaveqajaarnikkut aallertoqarnissaanut ulloq kissaatigisat eqquutsikkuminarnerussaaq.
Eqqagassanik angisuunik aallertussat piffissami nal. 17-20 aallertassapput.
Peqatigiilluni najugaqatigiiffinni najugaqartunut eqqagassanik angisuunik aallernissamut ataqatigiissaarinissaq kajumissaarrutigineqarpoq.
Attavigigutsigut ukua paasissutissiissutigissavatit:
- Ateq
- Najugaq
- Mobil nr. aamma e-mail
- Sunik tunniussiniarpit – aamma qanoq annertutigisunik
Eqqagassat ullormi aaneqarfissaanni aatsaat aqquserngup sinaanut ilineqassapput. Igitat angisuut tikikkuminartumut inissinneqassapput aamma avataaniittunut akornutaanngitsumut. Igitat angisuut najukkamit sorlermeersuuneri ersarissumik takuneqarsinnaassaaq.
Igitat angisuut aaneqartussat, igitassanut ilaasussanngitsunut nigortillugit, inissinneqassapput (assersuutigalugu sikkilit, aneerussiviit allallu.)
Eqqagassat isumannaatsumik poortorneqarsimassapput – ilinnut sulisutsinnullu isumannaallisaaneq eqqarsaatigalugu.
Illit najugaqatigiiffiit peqatigiiffippilluunniit (nammineq pigalugu/piginneqatigiinnermi) kommunip aaqqissuussineranut ilaasut najukkassi eqqaani eqqakkanik qimaannakkanik katersiniarnermik aaqqissuussiniarussi, ulluni taaneqartuni inniminnersinnaavatsigut, eqqakkat katersorneqarsimasut biilinik aaneqarniassammata.
EQQAAMAJUK
Eqqagassanik angisuunik aallertut biilianut eqqagassat nammineq issoraatissavatit.
Eqqagassat isumannaatsumik poortorneqarsimassapput – ilinnut sulisutsinnullu isumannaallisaaneq eqqarsaatigalugu.