Services

Umiatsiat containerillu inissaannut akuersissutinik piniarneq siunissami e-Boks-ikkut nassiunneqartalissapput

Sanarfinermut Avatangiisinullu Ingerlatsiviup kalerrisaarutigivaa umiatsianut containerinullu inissanut akuersissutit taamaallaat e-Boks-ikkut nassiunneqartalissasut. Taamaattorli digitalimik allakkanik tigusisannginnissamik akuerineqarsimagaanni akuersissut suli allakkatigut nassiunneqarsinnaavoq.

Tassa imaappoq, umiatsianut containerinullu inissanut akuersissutit allakkatigut nassiunneqartarunnaarput. Innuttaasutut kommunitullu e-Boks-ikkukt akuersissutit nassiunneqartarnerat iluaqutissartarpassuaqarpoq.

Digitalimik allakkat tiguneqartarnerisa, innuttaasut akuersissutit piffissaagallartillugu qularutissaanngitsumillu tigusarnissaat, naak najugaq allanngorsimagaluarpalluunniit, iluaqutitaasa ilagivaat. Taamaalilluni akuersissutit allakkatigut nassiunneqartut annaaneqassanngillat.

Digitaliseriinermi aamma suleriaatsit angallatinut containerinullu akuersissutinut attuumassuteqartut pisariinnerulernissaat naatsorsuutigineqarpoq. Qinnuteqartut qaleriiaaleraangata ingerlatsivimmit naammattoorneqartarpoq piffissap sivikitsup iluani qinnuteqaatit ullormut 100-likkaat tiguneqartarnerat, taakkulu akissallugit piffissaq sivisusinnaasartoq. Taamaattumik Ingerlatsiviup suli kaammattuutigissavaa, umiatsianut inissamik qinnuteqaatit ulapaarfiup avataatigut qinnutigineqarsinnaanerat atorneqassasoq, umiatsiaq kingusinnerusukkut inissinneqassagaluarpalluunniit.

Kinaassutsimut uppernarsaatit masatsaaliukkat suli umiatsiamut tunngavianullu inissinneqartassapput. Kinaassutsimut uppernarsaatit masatsaaliukkat suli Innuttaasunut sullissivimmut aaneqarnissaat periarfissaavoq. Ungasinnerusorli isigalugu pilersaarutaavoq kommunimit uppernarsaatinut allagartat atorunnaarsikkiartuaarneqarnissaat, aaqqiissummillu nutaamik digitalimik taarserneqarnissaat. Siullermik umiatsianut containerinullu akuersissutit taamaallaat e-Boks-ikkut nassiunneqartassapput. Sanarfinermut Avatangiisinullu ingerlatsivimmit aalajangikkat allat aqqutit eqqortut atorlugit nassiunneqartassapput.