Maanna upernarluinnalerpoq piffissanngulerporlu umiatsiat imaanut aqqaqqinnissaat, kisianni nalunngiliuk maannakkut umiatsiavit ukiuunerani 2023-2024 qaqinnissaannut qinnuteqareersinnaagavit maannamut akuersissummik peqareersimanngikkuit? Piffissaagallartillugu qinnuteqaatit nassiuguk taamaasilluni piffissaq kingulleq atornagu taanna isumannaariissavat, taamalu aamma nunaminertamik atorsinnaasannik amigaateqalinnginniassaatit illit umiatsiarnut.
Inatsit toqqammaviusoq
Inatsisartut inatsisaat nr. 17, 17. november 2010 nunaminertat atorneqartarnerat aammalu pilersaarusiorneq pillugu inatsimmi § 37, imm. 1 ima imaqarpoq; Nunaminertanut oqartussaasunit akuersisoqarsimatinnagu nunaminertaq sunaluunniit nalinginnaasumik atorneqassanngilaq atorneqalissananiluunniit, taamaattorli tak. § 38, imm. 4.
Imm. 2. Nunaminertanut oqartussaasunit akuersisoqarsimatinnagu nunaminertap suulluun-niit atorneqarnera allanngortinneqassanngilaq.
Umiatsiamut nunaminertamut atuisinnaanermut qinnuteqaat
Umiatsiannut nunaminertamik atuisinnaanermut qinnuteqarfissaq uani nanisinnaavat ”Umiatsiamut inissaq” uani nanineqarsinnaavoq; https://sermersooq.gl/kl/Akuersissutit/ Qinnuteqaat immersoreerukku uunga nassiunneqassaaq: sai@sermersooq.gl imaluunniit Sanarfinermut Avatangiisinullu Immikkoortortaqarfimmi, Nakkutilliinermi oqartussanut tunniussinnaavat.
Kommuneqarfik Sermersooq nakkutilliisuuvoq
Kommuneqarfik Sermersooq-mi sulisuusut taakku umiatsianik nakkutilliisuupput. Umiatsiat atuuttumik akuersissuteqanngippat kommuni pisinnaatitaavoq peqqussusiornissamut.
Apeqqutissaqarpit?
Nakkutilliinermi oqartussat sukkulluunniit attavigisinnaavatit nunaminertamik atuisinnaanermik umitsiannut tunngatillugu arlaannik apeqqutissaqaruit. Nakkulliinermi oqartussat attavigineqarsinnaapput; oqarasuut; 367000 imaluunniit sai@sermersooq.gl