Innuttaasunut

Upalungaarsimasunit qimaaffissiat aamma ikuallattoornermi aqqutit apummit asserneqarsimasut eqqumaffigineqarput.

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Sapaatip-akunnerini kingullerni apinerata kingunerisaanik kommunimi tikinneqarsinnaasunut tunngatillugu aputaajaaneq qanoq pingaaruteqartigisoq takutippaa. Akulikitsumik aputaajaasoqartarnissaa innuttaasorpassuarnit pisariaqartinneqarpoq. Qanorluunniit apitigigaluarpat Upalungaarsimasut qimaaffissiat aamma ikuallattoornermi aqqutit tikinneqarsinnaanissaat immikkut eqqumaffigisarpaat.

Aperujussuarnerata kingorna Upalungaarsimasut ajoraluartumik arlalinnit saaffigineqarsimapput qimaaffissiat aamma ikuallattoornermi aqqutit asserneqarsimanerat pillugu. Qimaaffissialli pingaaruteqarluinnartut, mininneqartartulli, aputaajarneqartarnissaat pingaaruteqarluinnarpoq. Ikuallattooratarnermi assigisaanniluunniit illumit qimaanissaq periarfissaajuaannassaaq. Taamatuttaaq Upalungaarsimasut ajutoorfimmut ornigussinnaajuaannartussaapput, taamaattumillu qimaaffissiat aamma ikuallattoornermi aqqutit tikikkuminartuunissaat pingaaruteqarluinnarpoq. Tassunga tunngatillugu illup piginnittuata qimaaffissiat aamma ikuallattoornermi aqqutit aqqutigineqarsinnaaneri akisussaaffigai.